İronədə sərmoyə noero xarıci şirkəton məyl və həvəs.

İroni iştimai təmin əkə sərmoyə noe şirkət kırt Şəsta kəmpaniya modir votışe: hale hazirədə 20 sərmoyə bınə şirkəton dəvo damon, nat, qaz və nat kimiya sahədə İronədə sərmoyə noero məyl və həvəsışone.

İroni iştimai təmin əkə sərmoyə noe şirkət kırt Şəsta kəmpaniya modir Morteza Lotfi əlovəş kardə: İronədə sərmoyə noero de Almaniya, İnqeltra, Cənubi koreya, Əman, Pakiston və co kişvəronku muhimmə şirkəton muzakirə və sohbət bıə.

Lotfi təsdiğış kardə: İronədə sərmoyəon cəzb karde iyən innosetoron huzuri bo de xarıci kişvəron iyən şirkəton həm muzakirəoni çı əsliyə maneon peqəteyro əncom bıə.

İroni iştimai təmin əkə sərmoyə noe şirkət kırt Şəsta kəmpaniya modir kəmpaniya qıləy təxəsosi məcmoə heste ki sərmoyənoə sahədə ijən istihsol xidməton və ticarət sahədə bə puli mənbəon və inostoron cəzb iyən modiriyət karde məşğule ijən çəy hədəf daxıli və xarıci kişvəronədə həminə mənbəon iyən sərmoyəonku bə çokə foydə rəse heste.