İron 2 qılə Koreya miyono rabitəon çok bey peştədəy.

İroni xarıci vəzarətxanə sıxənəvot bə İroni daemiyə vindemon Koreya nimə cəzirədə bohrani siyasi ruyku həl karde işorəş kardə iyən ım sahədə 2 qılə Koreya miyono rabitəon çok bey barədə bə İroni mısbətə vindemon təkidış ka.

Bə Mehr aqentiyəti raporti əsos Bəhram Ğasımi təkidış kardə ki şimali və cənubi Koreya lideron miyono vindemon bə məntəğə və dınyo sulhi komək kardero bəzne qıləy dırıst və mısbətə muğəddəmə bıbu.

İroni xarıci vəzarətxanə sıxənəvot çı İroni xarıci siyasəti qıləy baxşon cəmi kiştə və ətomiyə silahon məhv karde ğeydış kardə iyən votışe: ım sahədə İron har curnə xatircəm əkə vindemoniku himoyə dorti bəkay.

Ğasımi ijən təsdiğ kardə: 2 qılə Koreya miyono tojə dıvrə tarixi əloğəon bəbe vey dəğiğ iyən de komilə bəsirəti dəvomış bıbu iyən çı xarıci kişvəron mıdoxilə və nıfuzi jiədə nıbu.

İroni xarıci vəzarətxanə sıxənəvot bə Amerkə siyasəton beynəl xalğ muğaviləon arşiyə iyən ım sahədə İroni təcrubəon işorəş kardə və votışe: ətomiyə təvafuğ sabitış kardə ki Amerkə vey xatircəm əkə kişvər ni boçi ki bə beynəl xalğiyə əhdnoməon poybənd ni bə mande.

Ğasımi əlovəş kardə ki Koreya nimə cəzirədə bohrani həl karde bəbe Amerkə ehtımaliyə mudaxiləon bə kəno dəvomış bıbu.

Ğeyd kəmon ki zinə şimali Koreya və Cənubi Koreya lideron qıləy sərhəddiədə de yande tarixiyə vindemoni dəvonişone.

Im vindemon vey kişvəron əcumlə Tırkiyəş xoşhal kardə iyən bəzi kişvəron həm norohətin.