Ərəbıstoni bodcə kəsre.

Səudiyə ərəbıstoni maliyə vəzorətxonə ımsornə sori nav 3 manqi mıdətdə çı məmləkəti 9 milyard dollariyə bodcə kəsriku xəbəş doə.

Ərriyadiku bə  royterı xəbon əsosi  Səudiyə ərəbıstonı maliyə vəzorətxonə zinə elanış kardə 2018 minnə sori nav 3 manqi mıddətdə çı məmləkəti bodcə kəsri bə 9 milyardo 150 milyon dollar rəsə ki ım miğdar çı məmləkəti ixtisadiyu kam təcrubə bə.

Bə ərəbıstonı maliyə vəzorətxonə elanon əsosi çı məmləkəti 9 milyard dollariyə budcə kəsri ımsornə sori nav 3 manqi mıddətdə qıləy holədəy ki çı məmləkəti bəroməon həminə mıddətdə  dəvardə sori vədə 15 faiz inkişafış bə.

eksperton zəifə mudiriyət milyardiyə silahon hıre və bə yəmənı zid ərəbıstonı podşoə hokoməti canq təşkil karde  dəvardə soronədə ım məmləkətdə bodcə kəsri əsosə dəlil zındən.