Ğəzzə məntəğədə de sioniston dasi coqlə fələstinıjə cıvoni şəhodət.

sionist rejimi hərbion zinə zuhrə vaxti Ğəzzə sərhədiyə məntəğədə bə 2 qılə fələstinıjə cıvoni tərəf qullə ğandən ki ilə bəvonku bə şəhodət rəsedə.

Bə fələstinı məlumat ərosnə mərkəzi nəğli əsosi İsna aqentəti xəbəş do ım 2 qılə fələstinıjə cıvon "oqarde aksiya"  iştirak kardeyu bıə bərnamon iyən fəaliyəton xoto bə sərhədiyə məntəğon nez bə bin ki nəhayətdə cinayətkarə siyanistə snaperon bə çəvon tərəf qullə ğandən və ilə bəvonku bə şəhodət rusnedən.

sionist rejimi silahlinə ğıvvon idiaşon kardə ım cıvon de coqlə şəxs sərhədiyə maneonku dəvarde və bə işğaliyə ərazion daxil be niyətdə bə.