Suriyədə Ğırğızıstanıjə terroriston həlokət.

Ğırğızıstani qıləy əmniyəti ğıvvon xəbəş do: detosə bə ısət 150 nəfər ım kişvəri şahrvandon ki Suriyədə bıə terroristiyə qurupon tərkibədə uzvıyətışon be həlok bıən.

Bə Fars aqentiyəti raporti əsos, Ğırğızıstani milli əmniyət kamissiya anti terror mərkəzi rəisi muavin Xancarbeyk Bakayev zinə ım kişvəri parlament iclosədə elanış karde: 850 nəfər çı Ğırğızıstani şahrvandon Suriyədə bıə fəalə terroriston cəmədən ki 150 nəfər çəvonku ta ım zəmon canqi nəticəku həlok bıən.

Əv əlovəş karde: ım 850 nəfər Suriyədə terrorçiyon tərkibədə canq kardeyro bə Suriyə səfər kardə bən ki bo əvon cəzo dussiyə təşkil bıə.

Ğırğızıstani dıvlət çimiku bə nav Suriyədə bıə terrorçiyon tərkibədə ıştə şahrvandon mığdori 600 nəfər ğeyd kardəş be ki 70 nəfər həm həlok bıə bən.

Bə rəsmi statestikaon elani əsos, bə 5 həzo nəfər nezi çı Mərkəzi Asiya təbəoon de İŞİD-i təhrikon ıştə kişvəri tərk iyən Suriyədə bıə terroristiyə dastəonədə cəzb bıən.