Ğəzzə məntəğədə qıləy fələstinıjə cıvoni şəhodət.

Ğəzzə məntəğədə sionist rejimi hərbion ğandə qullə nəticədə qıləy fələstinıjə cıvon bə şəhodət rəsedə.

Bə Fələstinı məlumat ərosnə mərkəzi nəğli əsosi İRNA elanış ka sionisti işğalqərə rejim zinə Ğəzzə cənub hissədə Rəfəh şərğədə bıə pesoxtə bə marzi neziədə bə fələstinıjə cıvonon tərəf qullə ğandeədə qıləy fələstinıji şəhid və 1 nəfəri həm yarəjə kardən.

bomiyə mənbəon votəşone sionist rejimi hərbion ım məntəğədə bə imdodiyə qrupon daxil be mane bedən.

fələstinı səhiyə vəzorətxonə sıxanəvot Əşrəf Əlğədrəh həm nako elanış kardə be qıləy 16 sorə cıvon həm ki bə çəy kəş qullə qıniyə be bə noxəşxonə ovıştıniyə bə.

fələstinı səhiyə vəzorətxonə şanbə şəvi elanış kardə martə manqi 30 minnə ruji "Oqarde Həxi" yolə aksiya təşkilbeku desbə ısət 134 qılə fələstinıj sionist rejimi hərbion ğandə qullə nəticədə şəhid və 15 həzo 200 nəfər  fələstinıj həm yarəjə bən.

"Oqarde Həxi" dincə aksiya marti 30 minnə rujiku de "Zəminı ruji" mınosibəti Ğəzzə məntəğədə təşkil bə.