Ğəzzə məntəğədə qıləy tojəperəsə fələstinıjə cıvoni şəhodət.

Qıləy tojəperəsə fələstinıjə cıvon ki sionist rejimi hərbion ğandə qullə nəticədə yarəjə bə be zinə yarə şiddətin be xoto bə şəhodət rəsə.

Bə telerədyo aqentəti xəbon əsosi fələstinı səhiyə vəzorətxonə sıxanəvot Əşrəf Əlğədrəh elanış ka ım 16 sorə tojəperəsə cıvon mayə manqi 14 minnə ruji Ğəzzə məntəğə şərğ hissədə sionist rejimi hərbion  bə çəy sə jə qullə nəticədə yarəjə bə be.

Ğəzzə məntəğə dəvardə rujonədə "Oqarde Həxi" nomo bə fələstinıjon izdihaminə aksiyaon şohide.

oqarde həxi dincə aksiya marti 30 minnə rujiku zəminı ruji mınosibəti Ğəzzə məntəğədə təşkil bə və eyne holədə dəvomış heste.

martə manqi 30 minnə rujiku desbə ısət 144 qılə fələstinıj mincumlə 17 qılə hırdən ım aksiyaədə sionist rejimi hərbion ğandə qullə nəticədə şəhid bən və 15 həzo nəfərisə ve yarəjə bən xəyli məmləkəton mincumlə İron İslam Respublika iyən beynəlxalğə təşkilaton sionist rejimi ım cinayətonışon məhkum kardə.