De Amerkə muğaviləon imzo karde hiç foydəş ni.

Miyonə məsofə ətom bombaon istehsoli vəy qəte muğavilə (İNF)ku Amerkə xarıc bey bəpeştə İroni xarıci vəzir votışe: de Amerkə muğavilə imzo karde be foydə ko hisob bıdə.

Muhəmməd Cəvad Zərif təkidış karde ki Tramp ijən co qılə muğaviləku xarıc bey vasitə subotış karde ki Amerkə har sazışi səpe ıştə imzo bardə Alerqiyaş heste.

Zərif Twitter mesajədə əlovəş ka: Trampi ım curnə hərəkəton nışo dodə ki de Amerkə imzo bıə muğaviləon hətto çəvon mətni nıvıştədə xərc bıə murəkkəbi miğdar erjış ni.

Amerkə xarıci vəzir Mayk Pompeo zinə elanış karde ki Amerkə bo 6 manqiro  miyonə məsofə ətom bombaon stesholi vəy qəte sazışiku xarıc bəbe; ım muğavilə Mixail Qorbacof və Ronald Riqani miyono imzo bıə be.