Qazi Opek uzvon miyono həmkarion zəruriyyat.

İroni nat vəzir, bə qazi ixracəkə kişvəron miyono əloğəon təkidış karde.

Bə İrna raporti əsos Bijən Zənqənə Moskvaədə qaz Opek təşkilati 21-nə iclosədə bə məntəğə ədə Amerkə və Amerkə mıttəfiğon tərəfo bıhran icodəkə hərəkəton işorə və təkidış karde: jıqonə be foydə xərobkaranə hərəkəton dınyo iğtisodədə bevəcə təsironış bəbe.

Əv qaz Opek təşkilati əsliyə vəzifə inkişofroədə enerji təmin karde zınəş be və votışe: ım ko kənoədə bəpe bə Ekoloqiya mıvzoon həm diğğət bıbu.

Zənqənə bə qaz sadirəkə kişvəron icmaədə bıə mənafe oqəte çərçivədə fişaron vəy qəte iyən məntıği siyasəton vıjniyə zərruriyat təkid və əlovəş karde: enerji əmniyyət və dıyo nəğliyot sahədə stabiləti bəpe həmmə kişvəron mənafe cəhətədə bıbu.

Əv təkidış karde ki: İron karde bəzne Fars dıyo iyən Hurmoz tanqə əmniyyəti oqəte sahədə de həmsoyə kişvəron iştiroki xarıcion plani əks stabilə vəziyəti icod bıkə.

İroni xarıci vəzir, Moskvaədə nat və qaz beynəl xalğ iclosonədə iştirok karde xoto bə Rusiyə səfərış karde be.