Koronavirusi xoto Çinədə bıhraninə vəziyət dəvom kardedə.

Çinədə Korona virusi rəvoc bey nəticədə detos bə ısət 132 nəfər mardən.

Bə İrna raporti əsos çı Çini səhiyyə vəzarətxonə nəğliku 6 həzo nəfər ısət Çinədə bə ım noxəşi mıbtəlo-deço bıən iyən 100 nəfər həm damon bıdən.

Bə rəsmi statsika əsos, hale hazirədə bə 10 həzo nəfər nezi Çini şəhrvandon Koronavirusi qəteşone ki çəvonku 1300 nəfəri şərayet çok ni.

Xəbə ome ki mıbtəlo bıə kəson veyni Vohan iyən Hobi şəhronədən.

Paytəxt Pekinədə həm 92 nəfər Koronaşon qəte.

Korona inson və həyvoni miyono bıə qıləy mıştərik noxəşti hisob bıdə ki ısət Çini kənoədə bə dınyo 14 qılə kişvəron həm varid bıdə.

Xəbəon jıqo hikayət kardedə ki Çinədə Koronavirusi xoto vey problemon Çini nəğliyot, turizim və film sənaye həmçınin maliyə vıjoronədə icod bıə.