İron və Avrasiya miyono ticarəti miğdor 1 milyard dollariku dəvarde.

İroni qomruk idarə beynəl xalğ koon rəis votışe: dəvardə sori Oktiyabri 27 detosə bə ısət İron və Avrasiya iğtisodi i bemoni miyono xarıci ticarəti miğdor 1 milyard dollariku dəvarde.

Bə İrna raporti əsos Husein Kaxıki zinə Tehronədə bıə Avrasiya saderat və tranzit nomo iclosədə bə ım iğtisodi təşkilati ruşinə tale işorəş karde və votışe: hindostan həm qədə qədə bə ım təşkilati əlovə bey muzakirəon binoş karde.

Kaxıki ım təşkilat və İroni miyono bıə qomrok ğanun və muğaviləon əhəmiyyəti barədə həm əlovəş karde: bə 2 tərəfi muğavilə maddon əsos İron karde bəzne sə rost məhsolon ğeymət, tarif və tranzit ərjiku xəbə do bıbu.

Bə İron və Avrasiya miyono imza bıə iğtisodi və ticari muğavilə əsos ısət İroniku bə Avrasiya uzv bıə kişvəron 360 qılə məhsol və Avrasiyaku bə İron 502 məhsol sadir karde tarifon ləğv be.

Rusiyə, Belarus, Ğəzaxıstan, Erməniston və Ğırğizıstan çı Avrasiya iğtisodi təşkilatədə uzv bıə kişvəronin.