ƏfğanıstanədəTalebani bə hərbiçiyon həmlə ijən bino be.
Əfğanıstanədə Taleban və Amerkə miyono pesoxtə bıə sulh muğavilə bəpeştə Talebani sıxənəvot ijən bə Əfğaniyə hərbiçiyon həmlə kardeku xəbəş do.
Bə İrib raporti əsos, Zəbihullah Mucahid votışe: Talebani bə Əfğaniyə hərbiçiyon həmlə ijən bino be əmmo əmə bə Amerkə hərbiçiyon həmlə kardedə nimon.
Əmmo Taleban və Amerkə tojə sulh nomo bıə muğavilə imza bey bəpeştə məvuji Əfğanion ım sazişədə məxfi bıə çəyonku niqəranine.
Hətto tojədən çı ozod Əfğanıstan islamiyə hərəkati rəis Seyed Muhəmməd Əli Cavid bə ım muğavilə reaksiya nışoş do və elanış karde ki millət bəpe bə ım saziş ki Amerkə və Talebani miyono imza bıə nikbin nıbun.
Im niqəranion qıləy şərayetədəy ki de Amerkə muzakirəkə Talebani ali uzv Seyed Muhəmməd Əbbas Stankezi rəsmən elanış karde ki əmə çı Əfğanıstani icbor bıə dıvləti rəsmi zınəydə nimon.
