İron və məntəğədə Koronavirusi vəziyət.

İroni səhiyyə vəzarətxonə elanış karde ki detosə bə ısət 115 həzo nəfər İronədə bə Koronavirusi mıbtəlo bıə kəson vəziyət çok və çəvon noxəşi damon bıə.

Bə həminə raporti əsos İronədə bə 147 həzo nəfəri nezi Korona qəteşone ki de təəssufi çəvonku 7677 nəfər mardən.

Əmmo xəbəon məntəğədə Koronavirusi rəvoci dəvomiku hikayət kardedə.

Detosə bə ısət Azərbaycan Respublikaədə 5 həzo və Tırkiyədə 162 həzo nəfər nezi Korona qəteşone.

Tacikistanədə həm 3500 nəfər bə Koronavirus mıbtəlo bıən.

Əfğanıstaniku həm xəbə ome ki detosə bə ısət ım kişvərədə 660 nəfər Koronavirusiku mardən.

Ozbəkistanədə həm təğribən 3400 nəfər Korona qəteşone.

Fələstin işğaliku həm jıqo informassiya muntəşir bıə ki Korona qəte kəson bə 17 həzo nəfər rese holədəy.

Əmmo çı Korona iğtisadi təsiriku həm xəbə ome ki ım kişvəri mediyaon təkid kardən ki Koronavirusi bois be ki Hindıstani iğtisodi inkişof bə nime berəsi.

Hindıstanədə bə Koronavirus mıbtəlo bıə kəson bə 174 həzo nəfər rəseydə.