Reuters: Netanyahu iyən Terampi mışoviron bə İbıə Ərəbə Əmirətion bəşen.
Reuters aqentiyəti sionist rejimi iminnə vəzir və Amerkə prezidenti mışoviron bə İbıə Ərəbə Əmirətion səfər kardeyku xəbəş do.
Bə həminə raporti əsos, Donald Trampi ali mışovir Cared Kuşner həm ım səfərədə de Benyamin Netanyahu bə i co bə Əbu-Dabi bəşe.
Xəbon jeğo hikayət kardedə ki sionist rejimi iminnə vəzir tojədən de Kuşner iyən Amerkə milli əmniyət məsləhətçi Rabert Obrayan vindemon karde cərəyonədə vey məhrəmonə muzakirəoni de ərəbə kişvəron əloğəon adi və normal kardey barədə əncom doəşe ki çəy co baxşon de ərəbə rəsmi şəxson iyən keralon dəvom peydo bəkarde.
İbıə Ərəbə Əmirətion iyən sionist rejimi Avqusi 13 ku ıştə miyono diplomatik əloğəon adi və normal kardeyku xıbışon do.
Im sazişi barədə Fələstinıjon iyən İslam dınyo tərəfo nənğidoni de şiddəti dəvom kardedə.
