Steratejik əloğəon barədə İron iyən Çini xarıci vəziron miyono bıə muzakirəon.

İron iyən Çini xarıci vəziron 2 qılə kişvəri miyono bıə Steratejik əloğəon muğavilə iyən plani barədə muzakirə kardışone.

İroni xarıci vəzir Muhəmməd Cəvad Zərif ki de Çini xarıci vəzir Vanq Yi rəsmi dəvəti bə Pekin səfərış karde zinə de qıləy mesaji bəyonış karde ki 2 qılə kişvəri miyono bıə Steratejik əloğəon muğavilə iyən plani barədə vey çokə muzakirəon əncom bıə.

Zərif əlovəş karde, ım vindemonədə Amerkə unilateralim siyosəton ki dınyoədə təkğutbi sistemi bərpo karde çərçivədəy muxalifət bıə.

Cəvad Zərif iyən Vanq Yi həmçenin İron və Çini miyono bıə 25 sorə steratejik muğavilə, reqional həmkarəti, ətomiyə saziş və Korona vaksəni soxteyro mıştərək həmkarion barədə sohbət kardışone.

İroni xarıci vəzir bə İron-Çini miyono diplomatik əloğəon bino bey 50-ə sorəqardışe işarəş karde və əvış qıləy çokə fırsət bə hisob varde ki 2 qılə kişvəri tale əloğəon qəncin karde zəminə hozzı bəkay.

İroni xarıci vəzir Muhəmməd Cəvad Zərif ki de Çini xarıci vəzir Vanq Yi mulağaton kənoədə heyəton miyono votımonon həm əncom bıə.