Çin bə Suriyə Korona peyvəndi bəvığande.

Çin 150 həzo doza Korona vaksini bə Suriyə bəvığande.

Bə Fars aqentiyəti raporti əsos, Dəməşğədə bıə çini səfir Fenq Bio de ın xəbə elan karde votışe: həmohənqion bəpeşt peyvəndi vığande prosses bino beydə.

Isət Beraziliya, İnduneziya, Tırkiyə, Pakisto və İ bıə Ərəb Əmirətion əcumlə həmonə kişvəronin ki Çini peyvəndiku istifodə kardedən.

Tırkiyə prezident Rəcəb Təyyeb Ərdoğan və İ bıə Ərəb Əmirətion Dubay hakim Muhəmməd Bin Raşid Ali Məhkum əcumlə kəsonin ki ım peyvəndi jəşone.

Dınyoədə Korona qəte kəson miğdor 105 milyon nəfər iyən mardə kəson ədəd həm 2 milyono 300 həzo nəfəriku vey bıə.

Amerkə de 27 milyon mıbtəlo və 466 həzo nəfər mardə kəs statestikaon cəhəto həmçenan çı Koronavirusi pandemiya behronədə dınyo kişvəron sədrədəy.