Amerkə bəpe çı Trampi məğlub bıə siyasəton bə kəno bınə.

İroni xarıci vəzarətxonə sıxanəvot təkidış karde ki Amerkə dıvlət bəpe eks prezident Trampiku mandə siyasəton iyən irsi bəkəno bınə.

Bə İrna raporti əsos, İroni xarıci vəzarətxonə sıxanəvot Səid Xətibzodə, zinə ıştə Tvitter mesajədə nıvıştışe: bə saziş dast peydo karde imkanış bəbe, de şərti ki Amerkə dıvlət pidəş bıbu ki Trampi dıvlətiku mandə məğlub bıə siyasəton irsi bə kəno bınə.

Xətibzodə ım mesaji dəvomədə ğeydış karde ki: bəştə məsuliyəti əsos, iyən beynəlxalğ muğaviləon icra karde çərçivədə, Viyanaədə vey fəalə tərəf bimon ki bə ətomiyə muğavilə oqəte xoto cəhd kardımone iyən veyə təklifon çəmə tərəfo elan bıə və hol ın ki Amerkə de be ğanunə koon mısbətə funqsiy və hərəkətonış nıbe.

İroni xarıci vəzarətxonə sıxanəvot təkidış karde ki İron oxoş nıbıə muzakirəon jintonədə nıbəmande.