Azərbaycan Respublikaədə məhərrəmə manqi matəmə mərosim.

Zinə de məhərrəmə manqi i minə cımə ruji mınosibəti və Huseyni şıt əhə hırdənon matəmə iclosi həmzəman Azərbaycan Respublikaədə məhərrəmə manqi məxsus mərosimon mısılmonə əzodoron kədə bərpo be.

Bə bokuku rəsə xəbon əsos, Huseyni şıt əhə hırdənon matəmə iclos Məhərrəmə manqədə qıləy məzhəbi mərasime ki bə Aşuradə şəhidə hırdənon yodi əziz qətə xoto İron və dınyo mısılmonə cəmaəton tərəfo har sor Məhərrəmə manqi i minə cımə ruji dəvoniye bıdə.

Xəbon jığo hikoyət kardedə ki bə Koronavirusi pandemik şiddətinə şəroyeti xoto zinə Azərboycan Respublikaədə bıə inəon həminə mərosimi ıştə kədə bərpo kardışone və çəy şikilon sosiyal şəbəkəonədə muntəşir kardışone.

Huseyni şıt əhə hırdənon matəmə iclos bə Kərbəlo 6 manqış bıə şıt əhə hırdən Həzrəte Əli Əsğər(ə)-i ehtırom karde xoto bərpo bıdə.

Im mərosimədə inəon de vahid oləton bəştə şıt əhə hırdənon tan karde iyən bə çəvon sə Həzrəte Əli Əsğər(ə)-i nom nıvıştə bıə səbandi baste ıştə irodəti bə Əhlibeyte İsmət və Təhorət(ə)-i nışo dodən.

İnəon həminə matəmə mərosimədə ıştirok karde vositə de Həzrəte Əli Əsğər(ə)-i inə həm nolə bıdən.

Həzrəte Əli Əsğər(ə) çı şiəyon 3-nə İmomi vey qədə hırdən be ki bənə 6 manq sinış bıə şıtəhə korpə bələ onvani Kərbəloədə şəhid be.