İroni məclesi nımoyəndə: məntəğə əmniyət və stabileti çı İroni sıə xətte.

İroni islami şura məclesi xarıci siyosət və milli əmniyət kamissiya uzv votışe: məntəğə stabileti iyən marzon əvəz nıbey çı İroni sıə xəttonin.

İroni islami şura məclesi xarıci siyosət və milli əmniyət kamissiya uzv Məhmud Əhmədi Biğəş de Ermənistoni milli əmniyət şura sərkatib Armen Qiriquriyan vindemoni cərəyonədə təsdiğış karde: Ğəfğaz cənub məntəğədə stabileti və əmniyət İroniro vey muhimme.

Ermənistoni milli əmniyət şura sərkatib Armen Qiriquriyan həm ın vindemonədə bə İron və Ermənistoni miyono bıə əloğəon əhəmmiyəti işorəş karde və votışe: sulhi dovran nomo plan ki Ermənistoni tərəfo çı təşəbbus bəyon bıə de İroni xarıci siyosəton həmohənqe.

Ermənistoni milli əmniyət şura sərkatib Armen Qiriquriyan ijən İrəvan-Nəxçivan-Culfa miyono osonə roy oj bey qıləy muhimmə proyekt bə hisobış varde ki məntəğə kişvəron inkişofi bois bıdə.