Taliban Həşi təğvimi ləğvış karde.
Bə Taliban hukuməti tojə əmri əsos, Əfğanistonədə həmməy rəsmi iyən dıvləti koon bə Ğəməri təğvimi əsos əncom bıdə.
Bə İRİB raporti əsos, Əfğanistoni Taliban hukumət zinə rujiku ın kişvərədə rəsmi təğvimi əvəz bey iyən Şəmsi əvəzi Ğəməri təğvimiku istifodə karde əmri sadirış karde.
Talibani hukumət həminə bəyoniyədə təkidış kardə ki de Ğəməri tojə sori həmzəman, Əfğanistanədə həci Şəmsi təğvimiku istifodə nibəbe və qırd çı dıvləti koon bə Ğəməri əsos əncom bıdə.
Əfğanistonədə Talibani bə zumandəti rəseyku bənav qırd koon de şəmsi təğvimi əncom bıdə be.
Qəle holədə ki Əfğanion həmmişə bə Taliban hukuməti anti mədəniyət hərəkəton həmmişə eterozışone əmmo ın qurup bəştə meyli əsos cı Əfğanistoni mədəniyəti vılo kardeyro cəhd kardeydə.
Taliban tojədən Nəvuzə idi məxsusə mərosimon iyən ın kişvəri yolə milli ğəhrəmon Əhməd Şah Məsudi yol qətey mərosimon dəvoniyey ğədəğən kardəş be.
