İ Bıə Milləton Təşkilati umumiyə iclosədə İron İslam Respublika prezdenti nıtğ.

İron İslam Respublika prezident bə məntəğədə bıə Amerkə mıdoxilə hərəkəton və siyasəton mığobilədə İron İslam Respublika muğaviməti işorəş karde iyən votışe: şəhid Ğasım Suleymani terrorədə Amerkə nakonə prezidenti cinoyət İroni tərəfo ğıləy ədolətinə məhkəmədə təğib bəbe.

İroni prezident Seyd İbrohim Rəisi çı İ bıə milləton təşkiloti 77 minnə umumi iclosədə bə ədoləti bərpo bey İlahi meyli işorəş karde ki həmmə kəsonədə bənə əmonət heste və əlovəş karde: İron çı ədoləti qlobal beyku himoyədorəti kardedə boçi ki ədolət vəhdət icodəkəy iyən zılm çı canqi otəşi rostəkəy.

Rəisi bə İroni nəzəku bəşəriyəti mıştərikə sərnıvışti hakim bey işorəş karde və təkidış be: həmonə kişvər ki ədolətiku qəp jedə əmmo terroriston peştədəy bəpe bəşəriyət , ozodəti iyən ədolətiku xəcolətşon bıbu, boçiki bəşər həxiku vey bəpe çı milləton həx-huğuğe ki vey rohət yolə kişvəron tərəfo poymol bıdə.

İroni prezident de İroni Sepahe Ğuds təşkiloti nakonə fərmonə Şəhid Ğasım Suleymani şikili bə iclosədə iştirokəkəyon nışo doe votışe: Amerkə nakonə prezidenti cinoyəton barədə tədğiğ karde iyən çəy barədə hisob-kitob bənə bə insoniyəti xidmət karde mənodəy.

Rəisi bə İroni elmi, iğtisodi və texnoloqiya inkişofi iyən dınyo bə zumandə İroni ehtiyoci işorəş karde və təkidış be: kanə dınyo çı unilateralizm, sultə, beəxloği, fəğırəti, beədoləti iyən dıyo təşkilatonku bə mıstəğil kişvəron fişar varde dınyo be ki həmonə nohəxə nəzm ısət həni ko kardə ni iyən həminə nəzm beşək bə zəifəti tərəf hərəkət kardedə.

İroni prezident təsdiğış karde: siyosi əxloği kam ranq bey iyən unilateralizm beğanunə hərəkəton pandemiya çı bəşəriyəti təali roy vədə yolə problemonış icod kardəşe ki həminə tojə beynəlxalğ təhdidon vəy qəteyro yeqanə roy multilateralizm iyən İlahi ənbiya prinsipon çərçivədə ibeye.

İroni prezident bə zılmi əsos bıə əloğəon tov nıvardeyku xəbəş do və bə milləti ijən bəştə həxi səpe mandey təkidış karde və votışe: bə ədoləti əsos bıə məntiğ hukmən ğudrəti icodəkəy və həmonə kişvər ki məntığış nıbu bə işğalçiyəti, hərbi mıdoxilə, bə meyli əsos bıə siyasəton iyən co zılmon çanq jedə.

Rəisi ımi bəyonış karde ki sultə iyən sardə canqi ruhiyə dınyo əzyət kardedə iyən tojə əsrədə veyə no oromətion dınyoş təhdid kardedə və votışe: dınyo milləton ısət veyni ədoləti bərpo beyro ıştə tələbi nışo doydən.

İroni prezident təkidış karde: muğavimət doktorini bovə karde ədoləti bə vırə rosniyeyro milləton irodə oşkorə cilvəy əmmo çəy muğabilədə uni latıralizm pidəşe ki milləton ıştə sərostə royku bə domu bımandon.

Rəisi təsdiğış karde ki: Amerkə bə Avropa kişvəron icozə nibədoy ki ıştə po səpe bımandoniyən həminə kişvəri duston həm bevəcə vəziyətədən, Avropaədə cari hodisəon Asiyədə bıə dəvardə 10 soron hodisəon oveynəy.