İroni xarıci vəzarətxonə sıxənəvot bə Baydeni xitob: Aya bə İroni milləti ələyh, şımə maksimum sanksiyaədə, İronıjə jenon və inəon istisno bin?
İroni xarıci vəzarətxonə sıxənəvot Amerkə prezidentiku ki iddioş kardə be pidəşe İronıjə jenon ozod ko, soalış kardə: Aya bə İroni milləti ələyh, şımə makzimum sanksiyaədə, İronıjə jenon və inəon istisno bin?
Bə xarıci vəzarətxonə sıxənəvoti məlumatərosnə idorə raporti əsos, zinə rujədə İroni xarıci vəzarətxonə sıxənəvot, Nasır Kənani Çafi qıləy Tvitteri ğolibədə İroni daxıli vəziyəti barədə bə Amerkə prezident Co Baydeni mıdoxilə sıxənon reaksiyaədə nıvıştəşe: həmonə prezident ki 40 soriku vey bə İron milləti ələyh deşmoni iyən zalımonə koon əncomış do və iğtisodi iyən sanksiya terrorizmi koonədə hətto kəpənək noxəşətiədə həm həmdard nıbe, iddioş kardə ki ım kişvəri dıvlət, İroni jenon kənoədəy.
Kənani çafi ijən Amerkə prezidentiku soalış kardə: həğiğətədə Aya bə İroni milləti ələyh, şımə makzimum sanksiyaədə, İronıjə jenon və inəon istisno bin?
Çoşəmbə şəvədə Amerkə prezident Co Bayden qıləy bəyoniyədə iddioş kardə: Amerkə dıvlət, İroni jenon kənoədəy, həmonə jenon ki ıştə muhimmə ozodion və insoni həxon qəteyro de zılm iyən vızməti dim bə dimin.
Amerkə prezident ki İronədə bıə oxonə iğtişoşon bəji mandey cəhəto ıştə həmmə cəhdon əncomış do, tojədən həm ıştə tojə axməxə sıxənonədə İroni ozod kardey iddioş kardə ki de İron İslom Respublika şiddətinə reaksiya dim bə dim bıə.
