Qeneral Səyyori: muğavimət, dışmonon dasti kırt kardedə

İron İslom Respublika ərtışi həmohənqəkə muavin təkidış karde: muğaviməti mehvər, deşmonon dasti ki məntəğədə bəştə be ğanuniyə mənafe dumoədən, kırt kardedə.

Ərtışi həmohənqəkə muavin Admiral Həbibullah Səyyori de Tele-Rədio muğaviməti rədio kanali votımonədə votışe: ehanə zumand nıbəbemon, iyən ərzi təmamiyyətiku mənbəon iyən mudafiə zumandətion soyb nibıəmon, deşmonon həm tamə bəkarden.

Ərtışi həmohənqəkə muavin ıştə sıxənon dəvomədə əlovəş karde: harçəxtə ki zumand bıbəmon, hozzo bıbəmon, çı deşmonon xəbisə planon vədə muğavimət karde həm bəbe, və har vırədə ki xəbisə planon iyən fitnə icod bıbu, əy benəticə bəhaştımon, çimi məno ıme ki deşmonon muğabilədə muğavimət kardey boəmə stabilə əmniyyəti bə dast vardedə.

Admiral Səyyori həmçınin votışe: daxıl iyən məntəğədə muğavimət, kolli surəti, məntəğədə stabilə əmniyyəti bois bəbe və çəy dumoədə həmonə kəson dast ki məntəğədə ıştə ğeyri ğanuniyə mənafe dumoədən, kırt bıdə.

Ərtışi həmohənqəkə muavin ijən marzon əmniyyəti təmin kardeyədə, Sərdor Şəhid Hac Ğasım Suleymani roli vey təsirin bə hisobış varde iyən votışe: çəmə əzizə şəhid Hoci Ğasim Suleymani vey cəhdış kardə ta həminə əmniyyəti məntəğədə icod və stabil bıbu.