Kaspi dıyo hamsuyə kişvəron iyən İroni miyono bıə ticari stabilə həmkoətion
Rusiyə Astaraxan məntəğə enerji və ticarət vəzir bə Rusiyə iyən Kaspi dıyo hamsuyə kişvəron miyono ticari əloğəon işorə və təkidış karde ki: Kaspi dıyo hamsuyə kişvəron iyən İroni miyono bıə ticari stabilə həmkoətion mucudin.
Bə İrna raporti əsos, İlna Velisnki, Astaraxanədə bıə ticari iclosi çərçivədə ki de Tırkəməniston, Ozbəkiston, Ğırğizıston və Rusiyə iştiroki bərpo bıə əlovəş karde: Kaspi dıyo kişvəron miyono zumand və stabilə ticori əloğəon har ruj bə inkişofi tərəf hərəkət kardedə və Astaraxanədə kantineron vırə bə vırə karde dəvardə sori muğaisədə 2 bərobər be.
Ğeyd kardənine ki Astaraxan iğtisodi məntəğədə bıə 15 qılə portonku Saliyanka nomo bıə İronıjə port vəeyə fəaliyət iyən mol,əmtəə vırə bə vırə kardeyro iminnə rotbəş heste jəqo ki İron və Rusiyə dıyo həmkoəti cəhəto çəyku bənə ticori ğotb yod karde bıdə.
