Multilateralizm dınyo prinsipi rəvoc doeyku Piken və Moskva himoyə

Bə Moskva Şi Cin Pinq səfəri astanədə, Rusiyədə bıə Çini səfir elanış kardə: Moskva və Piken multilateralizm dınyo prinsipon rəvoc bədon.

Bə Mehr aqentiyəti raporti əsos, şənbə rujədə, Rusiyədə bıə Çini səfir, Janq Han Hoy votışe: Pekin de Moskva bə ico bə Multilateralizm bıə dınyo prinsipon rəvoc doey, beynəlxalğ rabitəon demokratiyə icod kardey və qlobal stratejikə stabiləti və balanc icod kardeyro, etemodinə qarantiya iroə doey dəvom bədoy.

Janq Han Hoy nəzəon zəmoni bəyon bıə ki  bə Rusiyə, Çini prezidenti səfə əncom bıə.

Kreml həm elanış kardə: maştə Martə manqi 20 Çini prezident Şi Cin Pinq 2 rujə səfəri cərəyonədə bə Moskva varid bəbe.

Moskvaədə, Veladimier putin və Şi Cin Pinq stratejikə həmkoətion və komilə şərikon inkişof barədə de yande votımon bəkan. ım vindemonədə Çin və Rusiyə miyono 2tərəfiyə təvafuğon və sənədon bə imzo bərəse.

Çini xarıci vəzarətxonə həm Kremli bəyoniyə bəpeşt, de qıləy bəyoniyə vositə, bə Rusiyə ım Çini prezidenti səfə barədə kali məlumaton elanış kardə.

Çini xarıci vəzarətxonə bəyoniyədə omə be: bə Rusiyə Çini prezidenti səfə, 2 qılə kişvəri stratejikə hədəfon cəhəto əncom bəbe və Avrasiya iğtisodi ittifoğ zumand bəbe.

Çini xarıci vəzarətxonə bə Moskva Pinqi səfə vey muhimmə hədəfon hevuj surəti 2 qılə kişvəri miyono etımo icod kardey nığıləti elanış kardə.