Rəyisi: Fələstini məzlumə millətiku himoyədorəti, islomi kişvəron həmmə mıştərəkə noğtəy

İron İslom Respublika prezident, Tehronədə Tırkiyə tojə səfiri etımodnomə səy mərosimədə təkidış kardə: Fələstini məzlumə millətiku himoyədorəti, islomi kişvəron hmmə mıştərəkə noğtəy

Zinə İşəmbə, Tehronədə bıə Tırkiyə tojə səfir Hecabi Kərlanğeliç etımonomə səy mərosimədə, İron İslom Respublika prezident, Seyd İbreym Rəyisi votışe: ımruj, Fələstini məzlumə milləti həxədə, de sionist rejimi cinoyəton muğabilə kardey, rəsmi şəxsonku mısılmonə milləton tələbe, çən lozime ki islomi dıvləton sionist rejimi cinoyəton vədə de veyə həmohənqi muğavimət bıkon.

Bə İrna raporti əsos, ım vindemonədə Rəyisi həmçınin de Tırkiyə, İron İslom Respublika rabitəon, kənə, nığıl və rişədor bəyon və əlovəş kardə: de islomi kişvəron deşmonon cəhdon vucud, bəpe bə dini və mədəni mıştərəkəçiyon təkyə kardey vositə, har ruj muxtəlifə baxşonədə islomi kişvəron miyono rabitəon hevujəti və nığıləti şoyh bıbəmon.

Tırkiyə tojə səfir həm ım mərosimədə İronədə ıştə iştirokiku ıştə rizoyəti nışoş do və İron və Tırkiyə kişvəron miyono rabitəon bıvəti və səmimi bəyonış kardə və votışe: bovə mandəm ki 2 qılə kişvəri rabitəon və mıbodiləon həmkoəti və əlovə beyro ıştə həmmə cəhdon əncom bıdəm.