Kənani Çafi: sionist rejim, hırdən əkıştə əjdəhoe
İroni xarıci vəzarətxonə sıxənəvot votışe: sionist rejim, həmonə hırdən əkıştə əjdəhoe ki həmişə Fələstini hırdənon hani kabusədə oşko bəbe.
Zinə şəv, İroni xarıci vəzarətxonə sıxənəvot, Nasır Kənani Çafi de işorə bə Fələstini milləti ələyh xususi bə Fələstini hırdənon ələyh sioniston cinoyəton, Tıvitterədə nıvıştəşe: zinə sionist rejim qıləy Fələstini hırdənon məktəbxonə xərobış kardə və ımruj həm çəvon şinə coni qətəşe.
İşəmbə rujədə Baxtəri sionist rejimi hərbiçion qıləy məktəbxonə ki 66 nəfər Fələstini kinə və zoə tələbəon bəvədə təhsil kardedən, xərob kardışone.
İroni ali diplomatiya həmçınin bə Ğəzzə tanqə sionist rejimi ğırəkə təyyorəon həmlə məhkumış kardə.
Fələstini səhiyyə vəzarətxonə elanış kardə ki bə Ğəzzə tanqə sionist rejimi ğırəkə təyyorəon həmlə cərəyonədə, 13 nəfər Fələstini şəhid və 20 nəfəriku vey əcumlə çand nəfər jen və hırdən həm zəxmin bıən.
