İroni iğtisodi vəzir xəbəş do; İron və Ərəbistoni puli və banki rabitəon bino kardeyro 2 qılə kişvəri məşvərəton
İroni iğtisodi vəzir xəbəş do ki İron və Ərəbistoni puli və banki rabitəon tojədən bino beyro, 2 qılə kişvəri muzakirəon bino bıə.
Bə İrna raporti əsos, Çoşəmbə rujədə, İroni iğtisodi vəzir, Seyd Ehsan Xandozi devləti heyəti iclosi kənoədə və jurnaliston cəmədə bə Ərəbistoni Cəddə ıştə oxonə səfə işorəş kardə və votışe: 2 qılə kişvəri miyono pərreon tojədən bərğəror kardey mevzu barədə de Ərəbistoni iğtisodi vəzir məşvərət kardımone.
Bə Xandozi votə əsos, İron və Ərəbistoni iğtisodi mıbodiləon bə siyosi rabitəon tojədən bərğəror bey əsos xususi Həcci bərpo beyro puli və moli zəminəonədə, de Ərəbistoni iğtisodi vəziri vey muhimmə votımononku be.
Dəvardə Pencşəmbə rujədə İroni iğtisodi vəzir Seyd Ehsan Xandozi bə İslomi inkişofi banki har sornə iclosədə iştirok kardey və Ərəbistoni rəsmi şəxson vindemon kardey xoto de iğtisodi heyəti sədrədə bə Cəddə varid bıə və de ım kişvəri rəsmi şəxson xoş omey ğərorış qətə.
