Ğədir Xumi id; İmom Əli(ə)-i pokə hərəmi şoə mərosimon
Bə Ğədir Xumi idi dəme mınosibəti xoto, İraği Nəcəf Əşrəfədə İmom Əli(ə)-i pokə hərəmi xiyabonon dərosniyə bıən.
Imruj Hicri Ğəməri 1444 minnə sori Zil-Həccə manqi 18 iyən Milodi 2023 minnə sori İyunə manqi 7 Mısılmonon vey yolə idonku qıləyni Ğədir Xumi bərəkətinə idə ruje.
Ğədir Xum Məkkə iyən Mədinə miyono bıə qıləy məntəğəy ki İslami Peyğumbər(s) Həccətul-Vidaədə(ıştə əzizə umri oxonə Həccədə) dıyo şiəyon i minnə İmom, Həzrət Əli(ə)-i ıştəku bəpeş bənə İslamiyə umməti Vəli elanış kardə.
Ğədir Xumi id, mısılmonon vey muhimmə idonku qıləyni be və mısılmonon miyonədə bıvəti və muminon viloyəti dəçokney əhəmiyyəti oşko kardedə.
Bə həminə mınosibəti xoto, İraği muxtəlifə məntəğəonədə hevujə şoə mərosimon bərpo bey holədəy əcumlə ım ki bə həminə mınosibəti xoto, İrağ, İron iyən co qılə kişvəron zayiron, ıştəni bə Nəcəf Əşrəf rosneydən ta ıştə irodət iyən eşği bə İmom Əli(ə) nışo bıdən.
Şiəyon iminnə İmomi pokə hərəmi qımbəz və ım pokə hərəmi varid bey bəyon de havzə boydəğon ki bəvədə İmom Əli(ə)-i nom nıvıştə bıə, dərosniyə bıən və zayiron hərəkəti roy həm de vılon dərosniyə bıə.
Bə həminə mınosibəti xoto, İroni İslomi təbliğoti təşkiloti yol, Huccətul İslom vəlmuslemin Muhəmməd Ğomi de İran Peres aqentiyəti votımonədə mısılmonon miyonədə Ğədir Xumi əhəmiyyəti barədə təsdiğış kardə: bə İslomi qıromiyə peyğəmbər(s)-i İlohiyə təkidon xoto, Ğədir Xum Əllaho Əkbərə id elan bıə.
İroni İslomiyə təbliğon təşkiloti yol ijən votışe: İroni ictimaədə və milləti miyonoədə Ğədir Xumi id vey diğğətinə ide ki muminon miyonədə bə viloyət iyən viloyəti dəçokney məsələ məxsusə cəhdış heste.
