Osınə roy direktor xəbəş do: İroni koridor və Rusiyəku bə Ərəbiston, şələ reylsi tranzit bino bıə
İron İslom Respublika osınə roy şirkəti direktor iminnə kərəro İroni koridoriku bə Ərəbistoni Rusiyə qıləy şələ tranzitiku xəbəş do.
İron İslom Respublikaədə şimol-cənub beynəlxalğə koridor, imkonış dodə ki Fars dıyo kişvəron iyən Hindostaniku əmtəə reylsi tranzit bə Azərbaycan Respublika, Rusiyə iyən Avropa şimol iyən şərğ icod bıbu.
İroni cənub, Hormozqan ostanədə Şəhid Recai portiku tosə kişvəri şimol Qilon ostani Rəşt reylsi dəçokney mevcude əmmo de bə Ğəfğaz məntəğə, Rusiyə iyən Avropa dəçokney hədəfi bəpe 160 kilometriku vey Ostoro bə Rəşt osınə roy soxtey bıbu ta bə Azərbaycan Respublika osınə roy dəçokne bıbu.
Bə İrna raporti əsos, İron İslom Respublika osınə roy direktor Miad Salehi elanış kardə: de 13 minnə devlətədə reyls nəğliyot diplomatiya iyən təğib kardey, tranzitə ğətor ki 36 qılə kantiner şomil bəbe, iminnə kərəro iyən İnçəberon reyls marziku və Rusiyəku bə Ərəbistoni məğsəd bə İron varid bıə.
