Fələstini təhəvvulaton barədə İron və Tırkiyə xarıci vəziron məşvərəton

İron və Tırkiyə xarıci vəziron Fələstini təhəvulaton barədə telefoniyə votımon kardışone.

Milodi 2023 minnə sori Oktiyabrə manqi 8 minnə ruj,

Fələstini muğaviməti ğıvvon "Ələğsa Tufan"-i nomo əməliyotədə bə işğol bıə ərazi əcumlə Telaviv, Aşdod de rəket vositə həmlə kardışone.

Bə işğol bıə sərzəminon, de muğaviməti ğıvvon rəketi həmləon həmzəman Həmasi canqəkəyon bə Ğəzzə tanqə ətrofədə bıə sionist rejimi qədə şəhron nıfuz kardışone və çand qılə sionist rejimi hərbiçi əsir kardışone və çand qılə məntəğə həm bəştə dast qətəşone.

Fələstini muğaviməti co qılə qrupon həm Həmasiku ıştə komilə himoyə elan kardışone və xəbə doşone ki de Həmasi canqəkəyon bə ico canq bəkan.

Həmçınin israili ğıvvonku çand həzo kıştə bıə kəson şikil həm muntəşir bıə və muxtəlifə videoonədə bə Ğəzzə tanqə sionist rejimi hərbiçion cəsədon vırə bə vırə kardey vindey bəbe.

İron İslom Respublika xarıci vəzir, Huseyn Əmirəbdullahiyan iyən Tırkiyə xarıci vəzir, Hakan Fidan, Fələstini təhəvulaton barədə deyande votımon kardışone.

Bə İrna raporti əsos, telefoniyə votımonədə 2tərəf, Fələstini oxonə təhəvulaton təğib kardey bəpeşt, bə Fələstini milləti həx-huğuğon ehtırom noey əhəmiyyəti təkid kardışone.

Im telefoniyə votımonədə Əmirəbdullahiyan ijən bə Fələstini ələyh muğaviməti hərəkət, dovtələbonə iyən sionist rejimi dəvominə cinoyəton nəticə zınəşe.

İroni xarıci vəzir ijən Fələstini muğavim iyən məzlumə millətiku himoyə və Şərifə Ğudsiku himoyə kardeyədə İslomi kişvəron vəhdət iyəh hambəsteqi zəruri zınşe.