Rəyisi: bo beynlxalğə həmkoətion hevujəti, İron mınosibə zəminə soybe
İron İslom Respublika prezdent, de kişvəron və beynəlxalğə təşkilatonədə 6 nəfər İroni tojə səfiron vindemonədə təkidış kardə: bo beynlxalğə həmkoətion hevujəti, İron mınosibə zəminə soybe.
Seşəmbə rujədə, İron İslom Respublika Prezdent,Syed İbreym Rəyisi, de kişvəron və beynəlxalğə təşkilatonədə 6 nəfər İroni tojə səfiron vindemonış kardə.
Bə Tele-Rədio aqentiyəti raporti əsos,Im vindemonədə İron İslom Respublika prezdent, beynəlxalğə baxşonədə İroni vırə, zumandə vırə və de co kişvəron həmkoəti və rabitəon hevujətiro, vey mınosibə zəminə zınəşe.
Im iclosədə, Rəyisi bə ım iclosi səfiron və nımoyəndəon tovsiyəş kardə ki İroni nəzəon təbyin kardey bəpeşt, ım mıvğiyətiku vey çokə surətədə istifodə kənən.
İron İslom Respublika prezdent ijən bə tojə səfiron məmuriyətış do ki deştə məmuriyəti vırə kişvəron İroni rabitəon zumand kardeyro ıştə həmmə imkanaton bə ko bıqətən.
Rəyisi ijən İRoni səfironku tələbış kardə ki İron və co kişvəron mıtəğabilə muvəffəğiyəton mıbodilə kardey zminəon təğib iyən çəvon icro beyro de ciddi surət təğib kənən.
Im vindemondə Cənubi Afrika və Omanədə İron İslom Respublika səfiron,və Tayland, Belçika, Bruney və Ciddədə islomi həmkoəti təşkilat həm ıştən sıxənonədə ıştə məmuriyəti beynəlxalğə təşkilat ya kişvəri zərfiyəton təbyin kardy məşğul bıən və ıştə məmuriyəton bəyon kardışone.
