Moskvə iyən Dublini şəhronədə İslomi İnğılobi ğələbə ğeyd kardey beydə

Moskvə iyən Dublini şəhronədə İslomi İnğılobi ğələbə ğeyd kardey beydə

Moskvə iyən Dublini şəhronədə İslomi İnğılobi ğələbə ğeyd kardey beydə.de İslomi İnğılobi səbarzəti 45-ə sorəqardışi əloğədor mərosim cımə ruji şəvi zəonədə Moskvə İslomi Mərkəzədə və İroni Dublinədə bıə səfirətiyədə dəvordınə bıə.

bə İRNA məlumoti əsos,İron İslom Respublikə Rusiyədə bıə səfir Kazım Cəlali cımə ruji şəvi zəonədə bın mərosimədə bıə ıştə ehandımonədə İslomi İnğılobi daxili iyən xarici arenada bədast vardə noiliyyəton,beynəlxalğə ərsədə hakimiyyəti strukturi əvəz bıey işorəş karde və həmən bə mığoviməti tiy bə formə dəşey və çı Fələstini milləti çı viro beşə  həxon bə vırə rosneyış bənə bəzi qlobal hisoboton qıləy nəzəş səğandə.İroni Moskvadə bıə səfiri votışe: İmom Xomeyni(r)tərəfiku ofəyə bıə və bə insoni fitrəti əsos bıə İslomi İnğılobi diskursədə bə zolımon zidd mandey və bə məzlumon dastək şuar doey bıə və ım şuarış bə həyot dəvordınə.nəticədə həm mığoviməti tiy icod bıə.

İron İslom Respublikə İrlandiyədə bıə səfirəti mıvəğğəti koon vəkil Kazım Şərif Kazımi de İmom Xomeyni(r) rəhbərəti bıə  İnğılobi bəhari təbrik kardə ıştə ehandımonədə çı İslomi İnğılobi hədəf,məğsəd və idealonış bəyon karde.