Real iyən virtual aləm

Real iyən virtual aləm

Əmə həmmə insonon ıştə jimoni dırozi de məsələon dimbədim omeydəmon ki,bo jimoni vey çok bıeyro iyən ıştəku qıləy roziyəti hissi icod kardero lozıme ın məsələon vey çokə formədə həlkəmon.əmmo əmə həmişə çəvon həlli koyədə ovandəti pəydo kardey zıneydənimon.fərdonku bəziyon ki,ıştə realə jimoni məsələon həlli koyədə dılsard və məyus bıə və səy kardedən de kiberfəzodə bıə jimoni ıştə həyğiyə jimoni məsələonku fərolkon,bıviton.ın fərdon bəştə realə dınyoədə dast pəydo nıkardə çiyon,boəy virtual aləmədə nəveydən və dılışon heste ıştə nokomətiyon de kiborməkonədə bıə mıvəffətiyon konpensasiyə bıkon və çəy əvəzi beşon.ın hisson kali fərdonədə zəyife.əmmo bəzi odəmon ciddiyə şikilədə de ın mevzu məşğulin iyən əv bənə qıləyu noxəşəti çəy vucudədə buruzış pəyo kardə.qıləy noxəşəti ki,bəy Hikikomori votedən.bəle səhih məseyone ın qıləy yaponə nome ki,iminə kərə yaponiyədə dığğətonış bəştə səmt cəlb kardə.ın noxəşon kulliyə formədə de realə dınyo ıştə rabitəon bırniyedən və fəğət virtual aləmədə jimon kardedən.

Əmə bəpe çe viro beməkəmon ki,virtual aləm ın rujon çəmə jimoniku co nıbə qıləy baxş bıə.əmmo hiçvaxti bəpe çe real iyən virtualə həyoti marzi miyono əmə ıştəni qim məkəmon.hukmən şımə yodo heste ki,vəynə bərnoməonədə əmə votemone ki,ımrujnə insonon bənə Pinokiyoe.həğiği iyən kiberfəzoədə qim bıey həmonə çiye ki,əməni bənə  Pinokiyo kardedə.bənə Pinokiyo qıləy ağıbəti soyb nıbey xoto,bəpe şımə ıştəni imtovonkon ta bıvindənən kom həddədə şımə ıştə həyğiyə tələbon dumo virtuial aləmədə nəvedəyon….

Zəmoni nıbey çe virtuial aləmi zotiyə xıslətonkuye iyən veyə odəmon bə ın məziyyəton cəzb bıən.realə dınyoədə harçi qıləy saətış heste.əmmo virtuial aləmədə zəmoni cəhəto hiç qıləy məxsusə məhdudiyyət və limit mevcud ni. çəmə bə əmtəə iyən məhsulon,bə ziyodə xıdməton iyən məlumoton dast rəsey vey rohəte.məsələn sutkə ərzədə və həmmə saətonədə bə nəğliyyoti xıdməton dast pəydo kardey vey rohəte.hətto çe marşuruti xətton unvon,taksi şofer iyən ıştə səfə məlumoton bo cokəson və hətto bo çandə həzo istifodə əkəyon vığandey imkon ki,çımi bənav dastrəsədə nıbe,ısət de hostonə formə  çəmə ixtiyorədəy.məhsulon hıriyeədə bıə hostonəti,  mıxtəlifə əmttə və molon mığoyisə imkon,onlayn iyən distan təhsili imkon və interneti kitobxonəonku oko doey iyən  co imkonaton ki,zəmoni cəhəto hiç qıləy məhdudiyyət və limit nıbə holədə çəyku istifodə kardey bəbe…..

Imon həmmə çe jimoni surətış barz kardə və virtuial aləmi bezəmonəti çəmə umrış vey dıroz kardə.əmə bo şəhronədə şıe-omeyro iyən bəmə lozım bıə çiyon pəydo kardero bəmə ziyodə zəmon lozıme və veyə vaxt sərf kardedəmon,əmmo iyo həni əmə beniyoz və be ehtiyocimon.məcozi iyən virtual zəmon bənə realə zəmoni qıləy itərəfinə marşurut iyən roş ni.realə dınyoədə zəmon çe sıftənə noxtəku bino iyən coqlə noxtədə bə oxo rəseydə və ın sıftə iyən oxo bo həmmə fərdon yekson iyən iye.əmmo virtual vaxt mıtləğən jıqo ni.virtual aləmədə zəmon bə dumo oqardey zıneydə və ijən sənibəton qıləy nuyə royədə ğərol qətey zıneydə və hətto ıştə mandə noxtədə həm mandey bəzıne və hətto bənav həm şey bəzıne.həmçinin virtual aləmədə zəmon bo həmmə fərdon i iyən mısovi ni.həyğiyə dınyoədə qıləy məxsusə fenomeni mıştərəkə təcrubə bə ehtiyociş heste ta fərdon qıləy təcrubə ğəsd iyən məğsədışon heste,qıləy vohidə zəmon iyən məkonədə iyande kəno ğərol qəteydən.əmmo virtual aləmədə həni niyoz və ehtiyoc ni bo qıləy məxsusə fenomeni təcrubəro fərdon  qıləy vohidə zəmon iyən məkonədə bıbon.zəmon məcozi dınyoədə qıləy xass və məxsusə mənoş heste ki,əy çe real və həyğiyə dınyoku co kardedə.dınyoədə zəmoni inkişof iyən dayimi bıey elon kardey, qıləy proqnoz bıəninə nəticəvonış heste.penco sor çımi bənav alimon proqnoz kardəşone ki,2018-ə milodi sori dınyo kom şikilədə bəbe.əvon çe naviku xəbə doəşone ki,odəmon eyni holədə ki,ıştə məkon və vıronədən,de iyande qıləy rabitəşon bəbe və bo şərayiti problem iyən nəticəonışon aşmardə.holı-hozzıədə həmonə proqnoz bə həyğət rəsə və real bıə.əmmo çəy muşkilot iyən problemon həll nıbə holədə baği mandə.