Nəhcul-Bəlağə pand iyən hikməton

Nəhcul-Bəlağə pand iyən hikməton

Və ğalə.....və (ə)hamyeşe:bə insoni dıli rəği i poə qujd ehaştə bıə ki,həmməysə çoçinə çiyonkuye və əv çəy ğəlbe ki,əyo çe hikməti moyə heste və həmən çəy zidd iyən bəçəy əks bıə moyə.havaxti qıləy umudəvo bəy dim bıqəto,taməh əy xar bəkarde və taməh bəy dim bıqəto hirs(hərisəti)əy əy məhf bəkarde və əgər qıləy noumuəti bəy dim bıqəto,təəssıf əy bəkışte və ehyanə ğəzəb bəy mısəllət bıbu, çəy kin-kudueərış şiddət pəydo bəkarde və əgər xoşnudi iyən roziyəti bəçəy hərəbaxtəti səbəb bıbu,ıştəni oqətey çe dasto bədoe və ehyanə vəhşət əy dəqəto,həzər deştə məşğuləş bəkarde və ehyanə qıləy əmn iyən asayiş bəy nəsib bıbu,məğrur iyən gafil bəbe.əgər qıləy mol bəçəy dasti eqıno,beniyozəti əy bə tuğyonqərəti vodor bəkarde..əgər qıləy mısibəöt bəy bırəso,betovəti əy rısvo bəkarde və ehyanə bə fəğrəti dıço bıbu bə bəlo ebəqəne.ehyanə de vəşyanəti imtovon bıbu,ocizəti əy obəğande.əgər si beyədə bə ifroti dıço bıbu,çəy luz-ləvə purəti bəy əziyyət bəkarde.ehyanə qıləy koyədə kutoətiko,bəçəy ziyoniye və əgər həddiku dəvardo,bəçəy fosidəti boyis bəbe....

Xılğəri dınyo mecuzə

İmom Əli(ə) bın həkimonə kəlomədə bə insoni iqlə silsilə hisson iyən bə əxloği rəziləton muhimmə baxşi iyən bəçəvon har qıləyni təsiron işorə kardedə və çəvon mərkəzi ğəlb hisob kardedə və hamyedə:çın insoni sinə dılədə i hissə qujd heste ki,de qıləy məxusə rəği ehaştə bıə və çəy uzvon həmməysə əcibə qıləyni çəy  hejo həmonə ğəlbe”.(ləğəd ....)

Isət çokonə ğəlb həmonə sənubəri uzve ki,bə qırd əzo xun rosney məmuriyyətış heste və çı insoni hisson iyən əxloği fəzilət və rəziləton mərkəz bıey bəzıne və çın bəhsi oxoyədə mıfəssəl iyən hevujə şikilədə çəyku sıxan bə miyon bəvardemon.Nəbat həmonə rəğe ki,ğəlb deçəy vəsilə iyən vositə çe insoni sinədə ehaştə bıə ki,ehyanə əv ğət iyən bırniyə bıbu,veyrə qıləy zəmonədə çe insoni jimon bə oxo bərəse.qahi zəmon əvışon mufrəd və tək aşmardəşone iyən qıləy zəmon “Nəvt”(fəovti vəznədə) zınəşone və iqlə zəmon həm hejo ğəlbi ıştən mənoədə həm omə.ha holədə Əmirəl-Muminin həzrət Əli(ə) ın odəmi ğəlb ki,çəy sinə dılədə de qıləy nozıkə rəği ehaştə bıə,çəy bədəni uzvi həmməysə çoçin iyən mecuzəvi uzv hisob kardedə.

Peşo bəçəy dəlilon işorə kardedə və çı sıxani dəvomədə jıqo hamyedə:”ın nığıləti bəşəy xotoye ki,çe hikmət iyən bə hikməti zidd sıfəton əyo cəm bıə:və zalikə....).......