Moskvaədə Nəvuz beynəl xalğiyə festival bərpo bıə.

De Nəvuzə idi bərpo əkə kişvəronku nımoyəndəon huzuri vasitə ijən de hınə soybon və İroniku nımoyəndəon huzuri bərobər Moskvaədə Nəvuz beynəl xalğiyə festival bərpo bıə.

Bə İrna raporti əsos Moskvadə bıə nəvuzə idi beynəl xalğiyə festivalədə çandə musiği və hınə soybə qrupon İron, Tacikiston, Əfğanestan, Ğırğızstan, Ozbəkiston, Ğəzaxıstan və Azərbaycan Respublikaku deştə nə nə zıvoni vey şoə bərnoməon icraşon kardə.

Həminə mərasimədə çı Rusiyə muxtəlifə ğom-qrupon ijən İronıjə mədəniyəti xıvand bıə cəmaəton əcumlə Tolışon, Tataron, Başğiron, Ləzqion və co ğomon iştirokışon bıə.

Mərasimon kənoədə ğeyd bıə kişvəronku nımoyəndəon ıştə mədəniyət və hınə soybonku dastiyə sənaye və hınə əsəron nəmayışqahon bərpoşon kardən.

Im mərasim de Moskva şəhri icra hakim və co rəsmion zəhməti bərpo bıə ta çın kişvəri şəhrvandon çımiku vey de kişvəron mədəniyət məxsusən İroni kanə rəsm-adəton oşno bıbon.

Moskvadə dəvardə 10 sori mıddətədə har sor Nəvuz beynəl xalğiyə festival bərpo bıdə.