Nəhcul-Bəlağə pand iyən hikməton

Nəhcul-Bəlağə pand iyən hikməton

Aya ğəlb iyən dıl çe insoni çok iyən bədə sıfəton mərkəze?.qıləy muhimmə sıvoliku bəhs kardey beydə ki,ğəlb bənə çe sinə dılədə bıə uzvi unvoni ki,bo xuni bə qırd uzvon rosniye finksiyəş heste.bə muhəğğiğon elmi təhğiğoton əsos hiçvaxti çe idrokoton mərkəz bey əzıni iyən çəy ko fəğət təmiz kardə bıə xuni bə co uzvon rosney iyən aludə və mıredolə xuni qətey və əy bə pokxonə ya sipiyə ciqəri səmt vığandeye.ısət çokonə Əmirəl-Muminin həzrət Əli(ə) hamyedə ki,qıləy ğəlb ki,de qıləy rəği odəmi sinədə ehaştə bıə,çın sıfəton mərkəze?.həmonə sıvol çe ğəlbi oko doə vıron həxədə Məcidə-Ğıronədə həm omə.məxsusən bə vırədə ki,hamyedə:”xətəməllahu...Xıdovəndi bəçəvon dılon mıhiş jıəə”.....

Çın sıvoli cəvobədə Nımunə təfsirədə qıləy came iyən hartərəfinə bəhs omə ki,ısət əmə iyo əy vardedəmon.çıro həyğəton dərk kardey Ğıronədə bə ğəlbi nisbət doey bıə.qıləy holədə ki,əmə zınedəmon ğəlb çe idrokoton mərkəz ni,bəlkəm qıləy nasose bo odəmi bədəni xuni qordıneyro?.çımi cəvobədə jıqo votedəmon:”Ğəlb” Kərimə-Ğıronədə mıxtəlifə mənoədə omə.

Ə cumlə-1:ağl iyən idroki mənoədə.joqo ki,Ğafi mıborəkə surə 37-ə şərifə ayədə jıqo handedəmon:”İnnə fi zalikə….bın mətləbədə təzəkkur iyən bə yod dənoey bo şəxsone ki,qıləy ağl iyən dərki ağlışon heste.2-ruf iyən coni mənoədə. joqo ki,Əhzabi mıborəkə surə 10-ə şərifə ayədə omə:”və iz zağətil…..qıləy zəmon ki,çəşon vəhşətiku vibin iyən conon bə lıvi rəse”.3-atifə iyən hisson mərkəz.joqo ki,Ənfali mıborəkə surə 12-ə şərifə ayədə bın məno şoydimon:”səulqi fi…..rəyrə kofiron dılonədə tarsi icod bəkardemon”.coqlə vırədə Ali-İmrani mıborəkə surə 159-ə şərifə ayədə jıqo handedəmon:”fəbima rəhmətin….ehyanə tı sığədıl bıəbiş,əvon ıştı ətrofiku pərokıəndə əbin”…..