Seyd Həsən Nəsrullah
Seyd Həsən Nəsrullah
Seyd Həsən Nəsrullah şəhodət həmmə mısılmınon iyən çe aləmi həmmə vıronədə bıə ozodipiyə insononış təsirin iyən ğəmqinış karde.Livani Hizbullah sərkatib mərhum çe Livani qırd fırğəon dılonədə ısət çe məsihi,sınniyə dəruzi və ya şiyə bıbu,qıləy məxsusə vırəş heste.Zahiyə məntəğə sakinonku qıləyni bıə Nevin bə Əlcəzirə kanaliş jıqo votə:mı fəğət dılım heste ijən həm bəçəy sədo quş bıdom.əv,boçəmə veyni bənə qıləy bıvə və ya dədə be.əv,fəğət qıləy siyosətmədor nıbe, əmə çe Nəsrullah roy dəvom bədomon.əmə bəştə bo israyili məhf kardero bıə mıborizə roy dəvom bədomon.qıləy çi ki,hejo əv əy oruzu kardeydəbe.
SNN repartiyor ıştə hisobotədə bın barədə votedə ki,ın terroron bə Hizbullah Təşkiloti hiç qıləy xələl nibərosne.SNN bə Hizbullah Mığovimət qrupi məntəğədə əsosə roli iyən bəçəy siloh iyən kəşfiyyot cəhəto bıə ğudrəti işorə kardə holədə,təkidış karde ki,harçand,israyili rejim bə Seyd Həsən Nəsrullah fiziki cəhəto çe miyoniku bardey bənə qıləy noliyyəti invoni nəzə kardeydə, əmmo həyğət ıme ki,çe Nəsrullah rəhbəron terror kardey,bın qrupədə hiç qıləy xələl icod nibəkarde.israyil bəpe çe torıxiku dərs bıqəto iyən sərəso ki,bənə terrori bıə hərəkəton hiçvaxti bə mığovimət dastəon volo bey boyis nibəbe.SNN dəvomədə bə çın terroron torıxi işorə kardede və de bə Nəsrullah konadironku qıləyni bıə və 2008-ə sori de israyili rejimi təvəssıti Dəməşğədə şəhid İmad Muğniyə şəhid bey işorə kardedə ki,ın terrorə hodisə bə Hizbullah həni həm zumandəti səbəb be.
Seyd Həsən Nəsrullah şəxsiyyət,siyosi sabiğə iyən fik və həmməysə muhimmə çi,Livani siyosi səhnəon idorəçəti iyən çəy bə reqiyoni hodisəon və hərbi koon bıə təsəllut iyən çəy hevujə şikilədə bıə rabitəon,ın şəhidış bənə mislış nıbə qıləy rəhbəriş təbdil kardəşbe.de Hizbullah Təşkiloti sabiğ rəhbər bıə şəhid Seyd Əbbos Musəvi terrori zəmoni,hənuz ım partiyə bənə ımrujnə vaxti jıqo qıləy zumandə təşkilot nıbe.həyğətədə Hizbullah Təşkilot bənə qıləy tojə kaştə bıə toğə be ki,ıştə po peyo mande ğudrətış bə dast vardeyış zıne.odəmi dığğəti cəlbəkə çi ıme ki, Livani Hizbullah de Seyd Həsən Nəsrullah sərkatibəti siyosi cəhəto təşkil bey iyən aparat və proqrami təminoti imkonon zumandəti texnoloji cəhəto və həmçinin reqiyonal və beynəlxalğə rabitəon cəhəto qıləy hevujətiş bə dast varde iyən bə daxili,reqiyonal və beynəlxalğə səviyyədə bə qıləy barzə məğami rəse.binobərin təsvvırkənon ki,de Seyd Həsən Nəsrullah terrori Hizbullah Onemoni fəoliyyət bə oxo bərəse,ım qıləy səhfə analiz və təhlile.ım nəyinki,jıqo nibəbe,bəlkəm hiç qıləy ciddiyə ziyon həm bəy daxul nibəbe.təbiyie və imkonış heste ki,ın qrup qıləy kutoə mıddətədə bə qıləy noxsani dıço bıbu,əmmo miyon mıddət iyən dıroz mıddətədə ijən sənibəton ıştəni bərpo kardey və ıştə navkonə təcrubəsə həm çok qıləy roli ifo kardey ğudrətış mumkine….
