Ğəzzə tanqə jurnaliston

Ğəzzə tanqə jurnaliston

Ğəzzə tanqədə bın dəvardə i sori dırozi çe işğalqərə sehyoniston həmlə nəticədə 175 qılə jurnalist bə şəhodəti məğami rəsən.çın muxbironku minimum 32 nəfər ıştə hisoboti hozzı kardə və qıləy holədə ki,jurnalsitə jilet çəvon tanədə bıə,bə şəhodəti məğami rəsən.Ğəzzə tanqədə mıstəğər bıə ziyodə muxbiron ya zədəjə bıən və ya ıştə bədəni iqlə uzvışon çe dasto doə.514 qılə jurnalist çe işğalqərə sehyoniston hucumon nəticədə i və ya çandə kərə ıştə xıyzoni uzvışon çe dasto doə.124 qılə muxbir həm de sehyonsit rejimi təvəssıti oqətey və həbs kardey və ya çəvonku veyə şəxson taleku qıləy xəbə mevcud ni iyən bə ın jurnaliston nisbətədə niqəronəti ısət barzə həddədəy.

Təğribən bın dəvardə i sori dırozi Ğəzzə tanqədə mıstəğər bıə qırd muxbiron çandə kərə məcbur bıə ta ıştə kə-bəon tərk bıkon və sərqərdon bıbon.ə jurnaliston ki,de qırd saxti iyən kxtiyon bəştə ko dəvom doydən,əksərən de sehyonsit rejimi reklam kampaniyəon təvəssıti hədəf ğərol doey beydə və çəvon məlumot rosneyədə bıə sədoğət bə sıvoli ji şeyə.veyə vıronədə çe sehyonsit rejimi cinoyətonku məlumot doydən,de 7 oktaybri əməliyyoti(Ələğsa Tufoni) həmdastətiyədə mıttəhəm beydən və işğalqərə sehyoniston de bə ın iddiyo çanq ğandey,bə ın şəxson həmlə kardero qıləy bəhonə vardedən….