İslomi İnğılobi Yolə Rəhbər:seonist rejim bə mıhosiboti səhfi roş doə

İslomi İnğılobi Ali Məğaminə Rəhbəri voteşone:seonist rejimi səyvonon de İslomi Respublikə anqıl bə səhfə hisobon malikin,çunki əvon İroni cıvonon iyən milləti zıneydənin və hənuz həm çın milləti ğudrət,hınə,təşəbbıs və ixtidori dərk kardey zıneydənin.

Bə İslomi İnğılobi Ali Rəhbəri Aparati informasiyə bazə əsosən,İslomi İnğılobi Yolə Rəhbər Həzrət Ayətullah Xameneyi işambə ruji de çandə həzo mehtərəmə əmniyyəti şəhidon xıyzonon didoədə,de bə xəbisə seonist rejimi Ğəzzə iyən Livanədə bə canqi cinoyəton vəhşiyə irtikobi dəvominə fəoliyyəton işorə kardə holədə,bə çın rejimi ələyh “qlobal koalisiya” icod kardey səmt vanqış jıə.

Həzrət Ayətullah Xameneyi şambə ruji sıbi zəmonədə (26 oktyabr)çe seonist rejimi şərə hərəkəti həxədə qəpış jıə və əlovəş kardə:çəvon kardə bın zılmi mınosibətədə,əvon ıştəni de qıləy xususi məğsədon dıjd kardedən,lakin əy kam zıney və qıləy beəhəmiyyətin bey votey həm səhfe.

İslomi İnğılobi Ali Məğaminə Rəhbəri təkid kardeşone:həlbəttə,məsul şəxson çe koy keyfiyyəti bəpe dırıst bızınon iyən bə kişfər və milləti mənafey bob bıə koon vindənin ki,ta əvon bızınon İroni milləti kiye iyən çəvon cıvınon çokonə bey dərəson.

Ayətullah Xameneyi Ğəzzə tanqədə bə seonist rejimi fociyəvi cinoyəton,min cumlə bə da həzo hırdən iyən bə da həzosə ziyodə jenon şəhodəti və bə vey vəhşiyə canqi cinoyəton nımunə işorə kardə holədə,çı hukuməton və beynəlxalğə təşkiloton dıjdə beovandətikuş vote.ə həzrət çı dıjdə devləton iyən bənə İbıə Milləton Təşkiloti bıə onemonon Ğəzzə tanqə iyən Livanədə bə çın rejimi hərəkəton ələyh mıborizə bardeyədə bıə səhlənkoətiş de şiddəti tənğıd kardə holədə voteşone: Canqi ğaydə,ğanunon və həddonış heste və jıqo ni ki,mıhoribəonədə qırd sərhədon çe po jiyədə bımando.əmmo,bə işğal bıə əraziyon hakim bıə cinoyətkorə dastə həmmə marzon və ğaydəonış darışte və ıştə po jiyədə hırdış karde.

İslomi İnğılobi Ali Məğaminə Rəhbəri hukuməton,xususən İslomi hukuməton bə cinoyətkorə rejimi zidd bəsə poysə əhıştey iyən ın bə cəllodə rejimi ələyh qlobal koalisiya icod beyış zəruri hisobış karde və əlovəş karde:bəsə poysə əhıştey ixtisodi koməqon bırniye mənoədə ni.boçi ki, oşkoye ki,bə ğəsbkorə rejimi koməq kardey vey çırkin iyən vey dıjdə qınonku qıləyniye.

Bəlkəm,bəsə poysə əhıştey ğəddorə mıhoribə cinoyəton kardə bə şərə rejimi ələyh qlobal siyosi, ixtisodi və lozım bıbu,hətto hərbi koalisiya icod kardey mənoədəy.

Əv,həmçinin bə əmniyyəti şəhidon hurmətinə xıyzonon mırociyət kardə holədə,çın şəhidon çı həx iyən ədoləti roy həmməysə çokə şəhidonış zıne,cəmiyyəti qırd koonədə və çı insonon həyoti mıxtəlifə sahəonədə bə əmniyyəti fundamental əhəmiyyəti işorə kardə holədə təkidışon karde: fəğət qıləy zumandə İron çe kişfəri iyən milləti əmniyyət və tərəğği təmin kardey bəzıne.bə hisob həm İron həmmə ixtisodi-elmi-siyosi-mıdofiyə və idorəçəti nəzəku bəpe haruj zumand kardey bıbu.

İslomi İnğılobi Ali Məğaminə Rəhbər milli ixtidorış çı İroni  əmniyyəti təmin kardey yeqanə royış zıne və əlovəş karde:Kişfər iyən cəmiyyəti əmniyyət və tərəğği təmin kardero İron bəpe qırd ixtisodi,elmi,mıdofiyə,siyosi və inziboti aspektonədə və diqər cəhətonədə zumand bıbu.