Amerkədə vıjnemon
Amerkədə vıjnemon
Bə doə bıə məlumoton əsos,amerkə camiyə milodi 2021-ə sori yanvarə manqi 6-ə ruji bə konqresi həmlə hodisə bədiqə çe siyosi ziddiyət iyən hoziyəti rujbəruj ziyod bıə prosesışon təcrubə karde və bəvədə çe siyosi-ideyoloji ixtilofon otəş de şiddəti rost be.bın çərçivədə çe co bayden iyən donald trampi miyono səçıni rəğobətonədə və çe kamala hərrisi de donald trampi miyono bıə rəğobətonədə bə iyande ələyh çe dıqlə rəğibi tərəfiku tındə sıxanon və tənğıdonku bəhs kardey be iyən rəğibon iyandeşon bo amerkə məhf kardeyro mıttəhəm kardedən.amerkə prezdent co bayden oktyabrə manqi 22-ə ruji Nyu-Hempşir ştatədə çı demokraton vıjıni kampaniyədə jıqoş vote:donald tramp bo demokratiyə qıləy təhdide və bəpe siyosi cəhəto həbs kardey bıbu.əy əlovəş karde:əmə bəpe əy zindoni bıkəmon.əv,bəpe siyosi cəhəto həbs kardey bıbu.əy həbskənən.ım qıləy koye ki,bəpe əmə əy əncom bıdəmon.
Kamala Hərris həm oktyabrə manqi 23-ə ruji təkidış karde ki,tramp çı qıləy ğeyri-adi zu dumoye.əv,ıştə rəğibış mıttəhəm kardışe ki,”rujbəruj əv,vey ğeyri-bərobər və ğeyri-sabit beydə”.Kamala Hərris həmçinin SNN kanalədə bərpo bıə qıləy umumi iclosədə,qıləy zəmon ki,çəyku de oşkoə formə dəparsey be ki,aya çəy bovəş heste ki,tramp qıləy faşistə fərde.əy cəvobış doe:bəle,bovəm heste. Kamala Hərris həmçinin bə trampi şiddətinə tənğıdi reaksiyədə əvış duyəvojış zıne.çı bayden iyən harrisi ın sıxanon ki,çı demokraton bo 2024-ə sori prezdentəti səçıniro bıə nomizədon sabiğ və ısətnə nomizədonin,həmməysə tındə cumləonışon bə respublikəçiyon tərəfiku bıə nomizəd donald trampi ələyh okoşon doə.həlbəttə,tramp həm çın dılqəku bə dumo mandedəni iyən çandə kərə baydenış bə zehni zəyifəti,hanumujən iyən harrisış qıləy fərdış zıne ki,movardə ağli cəhəto zəyif bə dınyo omə.əv,çand dəfəbə ın məsələş təkid kardə ki, amerkə çe baydeni prezdentəti devronədə bə dumo şıə və bənə qıləy seminə dınyo kişfəri bıə.jıqo qıləy bəyənde qıniyə iyən ziddiyyətinə şərayitədə çe intizoriku bə diyəro ni ki,qıləy şəxs ki,radikalə nəzəşonış ısət çı çəp ya rost hesteşe,siloh bıkəşo iyən iqlə nomizədi terror bıko.
əv həm qıləy camiyədə ki,bə qamə silohi dastrəs bəsə bə kitobi dastrəsisə vey rohəte və çəy cəmyəti veyni ıştə peyo qamə silohon kırneydən.analitikon çəşnavi doydən ki,amerkə 2024-ə sori prezdentəti səçıni bəyənde qıniyə fəzo,qıləy vey bestabilə şərayitış icod kardə.tramp məxsusi formədə ıştə siyosi mıxolifon təhdid kardedə ki,bə sıpiyə kə ijən sənibəton ro pəydo kardə surətədə,əvoni mıhokimə bəkarde və çe ləşkəri ğıvvonku bo de çəpə radikalə dastə mıborizə bardero oko bədoe.eyni holədə milodi 2021-ə sori yanvarə manqi 6-ə ruji bə konqresi həmlə hodisə boyis bıə ta təhliləkəyon çe amerkədə vey realə daxili canqi həxədə xəbərdorətişon doə.qıləy ehtımol ki,çandə soron bənav təsəvvır nıkardə holədə bə nəzə omeydəbe...
