İroni Almaniyadə bıə konsulətiyon bastey Ərağçi reaksiya

İroni Almaniyadə bıə konsulətiyon bastey Ərağçi reaksiya

İroni Almaniyadə bıə konsulətiyon bastey Ərağçi reaksiya

İroni xarici koon vəzir Almaniyə hukuməti çe konsulətiyon bastey ğərorış bə bın kişfərədə jiyə İronıjon ələyh bənə sanksiya akti ğıymətış doə.Almaniya xarici koon vəzir Analena Baerbok bə Cəmşid Şarmahdi edom kardey reaksiya nışon doə holədə,çe İron İslom Respublikə Frankfurt, Hamburq və Munhenədə bıə seqlə konsulətiyonış bastə.

Bə Səhab şəbəkə bə İRNA istinodən doə məlumoti əsos,İroni xarici koon vəzir Seyd Əbbos Ərağçi bə Almaniya xarici koon vəzir Analena Bauer Bok-i çe İron İslom Respublikə bın kişfərədə bıə konsulətiyon bastey ğərori X sosyal şəbəkədə jıqoş cəvob doə:Almaniyə hukuməti bə 14 qılə beqınoə insoni mardey və bə 200-qıləsə ziyodə insoni zədəjə bey səbəb bıə terrorçi dastək doə holədə bə Almaniyə vətəndo bıə çandə da həzo ironıjon sanksiyəş tətbiğ kardə.İroni diplomatikə xıdməti rəhbəri əlovəş kardə:bə Almaniyədə bıə ironıjə həmvətənon xotırcəməti doydəm ki,çəmə Berlinədə bıə səfirətiyon və çəy nezi bıə diqər diplomatikə nımoyəndətiyon konsuləti şebəon zumand kardə holədə,bo ın norohətəkə vəzyəti kompensasiya kardero ıştə qırd səyon sərf bəkardemon.

İroni Munhen,Frankfurt və Hamburqədə konsulətiyonış heste və bə Almaniya Xarici Koon Vəzirəti bəyonoti əsosən,İroni Berlində bıə səfirəti ıştə ko dəvom bəkarde.