İmom Xameneyi:seonist rejim və AİŞ dandon darıştə cəvob bəstəne

İmom Xameneyi:seonist rejim və AİŞ dandon darıştə cəvob bəstəne

İmom Xameneyi:seonist rejim və AİŞ dandon darıştə cəvob bəstəne

İslomi İnğılobi Rəhbər çı İroni milləti de Amerkə zılmi və ziyodə tələbəti hiç nıbu 70 sornə mıborizə əsosə səbəbonış bəyon karde və təkidışon karde:çın səbarzəti royədə seonist rejim və AİŞ-on bə İroni milləti ələyh bıə har qıləy hərəkəti mıtləğən qıləy dandon darıştə cəvob bəstəne.

Bə Səhab Şəbəkə doə məlumoti əsos,İslomi İnğılobi Yolə Rəhbər İmom Xameneyi de çandə həzo ironıjə şoqird iyən tələbəon didoədə tələbəonku qıləyni de istikbor iyən imperiyalzmi çokonə rəftori barədə təklifi işorə kardə holədə voteşone:Har kəs bəpe bızıno ki,bın mıborizədə bo İroni milləti hozzıətiro lozım bıə qırd hərbi,siloh və siyosi tədbiron vindey bəbe və rəsmiyon ısət de ın koon məşğulin.

Əv,çı İroni xalği de istikbori mıborizə çe milləti həyoti kontekstədə dayimi,dəvominə məsələş zıne və əlovəş karde:de Qlobal istikbor və holı-hozıynə dınyo nizomi idorə kardə cinoyətkorə sistemi mıborizədə millət və məmuron umumi hərəkət,İroni de istikbori bıə mıborizə,qıləy məntıği hərəkət və bə din,bə şəriyəti və əxloği mıtobiğe və ım,bə beynəlxalğə huğuği əsose və bın mevzuədə millət və məsul şəxson tərəddud və səhlənkoəti nibəkardeyn.İnğılobi rəhbər veyə mığdorədə amerkəvıjə tələbəon elmi assosaiyəon bə Ğərbi mədəniyyət iyən sivilizasiya və bə AİŞ-on hərəkəton ələyh bıə nıtğışon,məzlumə kişfər iyən xalğon mıdofiyə kardeyış səbarzəti  və çı tərəğği və bə istikbori zidd hərəkəti coqılə əlomətışon zıne və əlovəşon karde:ın mıborizə rujbəruj şiddətin bəbe və İroni millət və məzlumə milləton və mığoviməti cəbhə mıtləğ tərəğği bəkarde.

Həzrət Ayətullah Xameneyi,çe seonist rejimi Ğəzzə tanqədə fociyəvi cinoyəton və əksəriyyətış jen iyən hırdən bıə 50 həzo insoni kıştey və Livanədə holı-hozzıyədə bıə fociyəon,qırd ımon de amerkə behəyo və ojə-oşkoə hərbi və siyosi dastəki bə həyot dəvordıney beydə,ımonış bəçəvon insonə həxon iddiyo rısvoyçəti boyis bey zıneşone və voteşone:ımruj dınyo bənə Nəsrullah,Haniyə və Suleymoni bıə insonon terrorist zınə cinoyətkoron ıştən terrorçi iyən cinoyətkorə dastən.

İmom Xameneyi bə sultə nizomi mediya aparati hevujə səyon rəğmən,İroni milləti çı dınyo iştimoyi rayədə əziz beyış çe İslomi Respublikə səbarzəti iyən de məntıği bıə mıborizə səmərə nışonəş hisob karde və voteşone:Sadığə və`di əməliyyoti bədiqə,insonon mıxtəlifə kişfəron kuçəonədə şo beydən,yəni çı İroni milləti hərəkoton bə beynəlxalğə məntıği əsose və təbiye ki,İslom və Ğıroni məntığ həm əy ğəbul kardedə.

İslomi İnğılobi Ali Məğaminə Rəhbəri oxoyədə ğeydış kardə:de Xıdo lutfi de ın İslomi və humanitarə hərəkoti İroni millət iyən Mığoviməti cəbhə dınyoədə ıştə vırə pəydo bəkarde və dışmeni mıtləğə şikilədə məğlub bəkarde.