Pezeşkiyani bə Şəhid Suleymoni roy dəvom doey təkid kardeşe

Jan 03, 2025 05:15 Asia/Tehran

İron İslom Respublikə prezdenti Tehroni mısəlloədə çı qeneral Hoci Ğasım Suleymoni şəhodəti pencminə sorəqardışi mərosimədə bə Hoci Ğasımi roy dəvom doey təkid kardeşe.

Bə Əl-Aləm-i istinodən “Səhab şəbəkə” xəbə doydə ki,cımə şəvi İron İslom Respublikə prezdent Məsud Pezeşkiyan çe qeneral Hoci Ğasım Suleymoni şəhodəti pencminə sorəqardışi mərosimədə, Şəhid Suleymoniş bo İroni milləti bənə qıləy dayimi modeliş xarakterizə karde və voteşe:ımruj çı Şəhid Suleymoni roy İronədə həmrayəti və məntəğə iyən dınyoədə ilhombaxşə ulqu icod kardeyro dəvom kardedə.

Məsud Pezeşkiyani işorəş karde ki,çe zolımi dışmen iyən çe məzlumi koməkçi bey qıləy ko be ki, şəhid Suleymoni əvış bə dınyo nışonış doe və əlovəş karde ki,ımruj çe şəhidon xotırə de ehtıromi yod kardedəmon ki,zolım iyən xayinə Amerkə 5 sor bənav məntəğədə əncmış doe.

İron İslom Respublikə prezdenti əlovəş karde:Şəhid Suleymoni bə məzlumon dini nəzə nıkardə holədə,çe İron və reqiyoni har qıləy vırədə bo məzlumon mıdofiyə kardero bəşəv-bəruj fəoliyyət nışon doydəbe.

Pezeşkiyani işorəş karde:Şəhid Suleymoni bo İslomi vəhdət nəveydəbe,əmmo ımrujnə dışmen çe təfrığə dumoye və çı dışmenon hiyləon bəpe de vəhdəti məhv kardey bıbu.

Eyni zəmonədə İslomi İnğılobi Rəhbəri mışovir iyən koməkçi Məhəmməd Muxbir şəhid qeneral-mayor Hoci Ğasım Suleymoniş çe İroni cəmyəti coninə ğəhrəmonış tevsifış karde və voteşe:Hoci Ğasım bo sulhiro mubarizə bardəşe və çe səmimiyyət,bə vəomə umu rəmz iyən qıləy betərəfə şəxsiyyət be və çəy ın dıjdə hədəf və məğsəd əvış çe qırd dınyo ozodə xalğon miyono bə əfsonə peqardə.