Pezeşkiyan:Reqiyonədə əmniyyəti təmin kardero bə ğərbi niyozımon ni

Pezeşkiyan:Reqiyonədə əmniyyəti təmin kardero bə ğərbi niyozımon ni

Pezeşkiyan:Reqiyonədə əmniyyəti təmin kardero bə ğərbi niyozımon ni

Pezeşkiyani votəşe:İron iyən Rusiyə de həmkoəti roy mıstəğilə siyosət bardey və reqiyonədə siyosi və ixtisodi əmniyyəti təmin kardey ixtidorədən.

Bə Səhab şəbəkə bə İSNA xəbə aqentəti istinodən doə məlumoti əsos,hartərəfinə strateji həmkoəti sazişi imzo kardero bə Moskva səfə kardə İron İslom Respublikə prezdent Məsud Pezeşkiyan cımə ruji deştə urusə həmko Vladimir Putini dido kardey iyən bo dıqlə kişfəri miyono de hartərəfinə strateji mığovilə imzo kardey bədiqə,bə Rusiya telekanalonku qıləyni interviyuş doe.

Pezeşkiyan ıştə bın sehbətədə çe dıqlə kişfəri bo bə mıstəğilə siyosət bardey ğadir bey və de reqiyonədə sulh iyən sabitəti bərğəror kardey məğsədi de iyande həmkoəti kardə holədə reqiyonədə əmniyyət və ixtisodi əmniyyəti təmin kardero ıştə hozzıətişon elon kardə.

İroni prezdent çe İron iyən Rusiyə miyono nuyə strateji sazişi imzo kardey,tərəfon ıştə rolon bə xarici aktyoron tərəfiku mıəyyən kardey ələyh beşey təkidi işorə kardə holədə votəşe:çı İron və Rusiyə bə ğərbi niyoz və ehtiyocışon ni.

Ğeydkəmon ki,İron iyən Rusiyə miyono de hartərəfinə strateji həmkoəti sazişi imzo kardey, çe dıqlə məmləkəti miyono ixtisodi,elmi,texnoloji,mədəniyyət və turizm sahəonədə əloğəon xususi şikilədə hevuj kardey bəbe.