İroni Xarici Koon Vəzərotxonə sıxanəvot de Ğəzzə ruji mınosibəti doə mesaj

Jan 20, 2025 04:50 Asia/Tehran

İroni Xarici Koon Vəzərotxonə sıxanəvot de Ğəzzə ruji mınosibəti doə mesajədə təkidış kardə:Mığovimət və mığəddəroti təyin kardey həxon və çe mıstəmləkə iyən aparteyidi işğaliku perəxeyro mıborizə,qıləy insoni,ğanuni və çe beynəlxalğə həxon peyo bıə qıləy huğuğe.

Bə Səhab şəbəkə bə İRNA istinodən doə məlumoti əsos,İroni İslomi Respublikə Xarici Koon Vəzərotxonə sıxanəvot İsmoyıl Bəğayi şambə ruji de “Ğəzzə Mığovimət Simvoli” ruji mınosibəti ıştə X kanalədə bıə hisobədə nıvıştəşe:Imruj əmə Ğəzzə mərdumi beqınoə hırdəon iyən beqınoə fələstınıjə merd və jenon bə yod dənoydəmon ki,de seonistə işğalqərə rejimi oxonə 16 manqədə kardə cinoyətkorə “mıstəmləkəçiyon məhfi” plani ğıboni bin və çe qenosidəkə iyən aparteyidə sehyosnit rejimi vədə mandə bə Ğəzzə milləti əfsonəvi mığoviməti ehtırom ədo kardedəmon iyən ıştə ehtıromi nışon doydəmon”.

İroni diplomatikə sistemi sıxanvoti əlovəş kardə: Mığovimət və mığəddəroti təyin kardey həxon və çe mıstəmləkə iyən aparteyidi işğaliku perəxeyro mubarizə,qıləy insoni,ğanuni və çe beynəlxalğə həxon peyo bıə qıləy huğuğe.Dəvominə formədə canqi cinoyəton,bə bəşəriyyəti ələyh cinoyəton və de tuməbır kardə işğalçi rejimi becəzo mandey dimbədim omey və mıborizə bardey,bə beynəlxalğə həxon və bə beynəlxalğə humanitarə huğuğon əsos qıləy məsuliyyət və vəzifəy.

İroni Xarici Koon Vəzərotxonə sıxanəvot de Ğəzzə ruji mınosibəti doə mesaj qıləy holədəy ki,Fələstini İslomi Mığovimət Hərəkoti(HƏMAS) cımə ruji doə bəyonotədə jıqo omə: “De Vositəçiyon səyon bo otəşvəsi roziyəti bə dast vardero bıə maneəon mioyoniku peqətey be."

Eyni zəmonədə,seonist rejimi siyosi-əmniyyət kabinet həm bə Ğəzzə tanqədə otəşvəsi roziyəti və bə əsiron mubadilə roziyətiş doə.çın sazişi icro ım rujnə işambə rujiku yəni yanvari 19-ku etıborən icro kardey bəbe.

Həmçinin çın roziyəti bədiqə və çəy iminə mərhələdə 1000 qılə fələstınıjə məhbus,ə cumlə həm i umr bə həbsi məhkum bıə 296 qılə fələstınıjə məhbusi ozod bey bəyon bıə.Ğəzzə tanqədə otəşvəsi roziyəti və əsiron mubadilə iminə mərhələdə ozod bıə əbədiyə həbsi məhkum bıə məhbuson təfərruaton ımonin:127 qılə FƏTH-i Hərəkotiku,123 qılə HƏMAS-i Hərəkotiku,36 qılə İslomi Cihod Hərəkotiku bıə məhbuson və həmçinin Fələstini Ozodəti Xalğ Cəbhəku 7 qılə,Demokratik Cəbhəku həm 3 qılə əsir.