Dicitali çand tərəfinə zumandəti; telekommunikasiya beynəlxalğə ittifoğ və İroni votımoni mehvər
Pars Todey- İroni kəşfiyot texnoloqiya və telekommunikasiya vəzir, infrastrukturon, suni intellekt, dicitali çand tərəfin və rabitə əmniyyəti baxşonədə de telekommunikasiya beynəlxalğə ittifoğ (ITU) həmkoətion hevujətiku himoyəş karde.
Azərbaycan Respublika poytəxt, Bokuədə Milodi 2025 minnə sori diyəro bıə telekommunikasiya inkişofi qlobal konfransi kənoədə, İroni kəşfiyot texnoloqiya və telekommunikasiya vəzir, Seyd Sətar Haşımi de telekommunikasiya beynəlxalğə ittifoğ (ITU)-i sərkotib Doreen Boqdan Martini vindemonədə, kəşfiyot texnoloqiya, telekommunikasiya və suni intellekt baxşədə de İroni İslomi Respublika muvəffəğiyəton bəyon kardey əlovə, votışe: de çand tərəfinə zumandəti və həmkoəti əlovə kardey, dicitali xarıci siyosətədə İroni prioritetonkue.
Bə Pars Todey raporti əsos, İroni kəşfiyot texnoloqiya və telekommunikasiya vəzir, ijən bəyonış karde: telekommunikasiya beynəlxalğə ittifoğ (ITU)-i sərkotibi idorə kardey, bo dicitali şomil bıə inkişofi iyən bə rabitə strukturon ədolətin surəti dast pəydo kardeyro tojə zərfiyəton icodış karde.
Əv ijən bə Tehroni səfə kardeyro, telekommunikasiya beynəlxalğə ittifoğ (ITU) sərkotibiku rəsmi surəti dəvət kardey bəpeşt təkidış karde: İron hozzoe ki de telekommunikasiya beynəlxalğə ittifoğ (ITU) ıştə həmkoətion səviyə, bə tədbirin və stukturon əsos, bə inkişof bırosno, həmonə həmkoətion ki məntəğə və dınyoədə huşinə iğtisodi inkişof və dicitali muğaviməti və telekommunikasiya şəbəkəon zumandəti komək kardey bəzne.
Telekommunikasiya beynəlxalğə ittifoğ (ITU) sərkotib ijən icloson, komitəon və İTU xususi proqramonədə, İroni İslomi Respublika əktivə həmkoətiku ğədrdonəti kardey bəpeşt ijən təkidış karde: İron həmişə siyosət noey və texniki baxşonədə təsir noə uzvonku qıləyni be.
Martin ijən əlovəş karde: kəşfiyot texnoloqiya, telekommunikasiya və suni intellekt baxşədə, İron vey çəşəçi zərfiyəton soybe və beynəlxalğə bərnoməon iyən tojə standardon nıvışteyədə vey muhimmə rolon ifo kardey bəzne.