Venesuela Xarici Koon Vəzir:Əmniyyət Şuradə bə ğələbə rəsimon
Venesuela Xarici Koon Vəzir Əmniyyət Şura təcili iclosi barədə və bə AİŞ hukuməti hərbi hucumi ələyh hevujə tənğidon anqıl çe Karakasi oşko və ğanuni ğələbə kəsb kardeyış bəyon kardə.
Venesuela Xarici Koon Vəzir İvan Qil Pinto dışambə ruji şəvi zəmonədə ıştə doə ğeydədə bəyon kardə:"Həğiğət İMT Əmniyyət Şuradə ğalib ome və Venesuela oşko və ğanuni səbarzətiş bə dast varde."
Əy,əlovəş kardə:"Beynəlxalğə iştimoiyyət rəsmən çe AİŞ-on 3 yanvar hucumış bə beynəlxalğə huğuği zidd qıləy hərəkət və çe İMT Nizomnomə,insonə həxon və ğanunon darıştey,həmən çın kişfəri ısətnə prezdenti ənəqınəti beyış ğəbul kardə."
Ğeyd kardey lozıme ki,İMT Əmniyyət Şura təcili iclosədə mıxtəlifə kişfəron nımoyəndəon çe A AİŞ hukuməti bə Venesuela hərbi hucumi tənğıd kardə holədə,ımış beynəlxalğə huğuği prinsipon və İMT Nizomnomə ojə-oşkoə şikilədə darışteyış zınə və çımi bo reqiyonal və beynəlxalğə sulh və sabitətiro bıə nəticəon barədə çəşnaviş doə.
