ِİroni prezidentəti səçıni nəticəon.
-
70 faiziku vey İroni millət səçınədə iştirokışon kardə.
Bə İroni prezidentəti 12 minə dıvrə səçıni 2 minə baxşi elan bıə nəticəon əsos Həsən Ruhani de 22 milyoniku vey sədoon vasitə səçınədə i minə vırədə ğərorış qəte.
Bə İroni intixabat mərkəziyə kamissiya rəis Əli Əsğər Əhmədi elani əsos detosə ısət: 40 milyono 76 həzo 729 sədo aşmardə bıə ki çəvonku 38 milyono 914 həzo 476 qılə sədo bənə səhihə sədo ğeyd bıə.
Əli Əsğər Əhmədi əlovəş kardə: de tərtibi Həsən Ruhani 22 milyono 796 həzo 468, Seyyed Ibrahim Rəisi 15 milyono 452 həzo 194 qılə, Mustəfa Ağa Mirsəlim 455 həzo 211 qılə və Mustəfa Haşımitəba 210 həzo 597 qılə sədoon kəsb kardəşon.
İroni intixabat mərkəziyə kamissiya rəis ijən votışe: İroni kişvəri vəzir Əbdul Reza Rəhmani Fəzli ımruj çın səçıni rəsmiyə nəticəon elan bəkay.
Ğeyd kəmon ki İronədə 56 milyono 410 həzo 234 nəfər huğuği cəhətiku bo sədo doero həxışon bıə ki bə aşmardemoni əsos 70 faiziku vey İroni millət ım səçınədə iştirokışon kardə.
