Epsteyni skandalinə ko
Epsteyni ko:Bo Ğərbi mənəvi barzətiro qıləy ciddiyə problemi hikoyə
Sıftədə Ğərbədə bənə seksi skandali bə miyon beşə Ceffri Epsteyni ko tədricən ədolət və şəffofəfti iddiyo kardə cəmyətonədə bə nığılə əxloği və struktur behroni simvoli təbdil be.Ceffri Epsteyni ko oxonə soronədə çı məhkəmə koy səviyyəku bə kəno beşə və Ğərbədə etika,siyosət və zu strukturon sahədə bə qıləy fik-fam kardəninə məsələ peqardə.
Məşhurə amerkəvıjə milyarder və seksi savdıədə ittihom bıə Ceffri Epsteyni koyku nuyə sənədon bəyon bey, fəğət cinsi istismoron və fərdi korrupsiya hevujə mığyoson bə miyon noey kəno,həmən çe Ğərbi məhkəmə, medya və siyosi instituton demi çokonə məşğul bey,çın cəmyəton ədolət,şəffofəti və çı ğanuni ali bey sahəonədə dıroz mıddəte dəvom kardə de iddiyon dırıstəti anqıl fundamental sıvolonış bə meydon vardə.
